ట్రెండింగ్
దర్గా అభివృద్ధికి నిధులు కేటాయించిన ప్రభుత్వం
Andhra Pradesh Telugu | Suryaa Desk | Published : Sat, Dec 14, 2024, 04:13 PM
పెనుకొండ లోని బాబయ్య దర్గా అభివృద్ధికి కూటమి ప్రభుత్వం రూ.కోటి నిధులు మంజూరు చేసినట్లు బీసీ సంక్షేమ, చేనేత జౌళిశాఖ మంత్రి సవిత పేర్కొన్నారు. బాబయ్యస్వామి ఉరుసును పురస్కరించుకుని ప్రభుత్వం తరఫున మంత్రి సవిత, రాష్ట్ర మైనార్టీ సలహాదారు షరీఫ్ చాదర్ సమర్పించారు. దర్గా పీఠాధిపతి తాజ్బాబా.. వారికి స్వాగతం పలికారు. మంత్రి మాట్లాడుతూ.. ఉరుసుకు అన్ని ఏర్పాట్లు చేశామన్నారు. ప్రభుత్వం తరఫున చాదర్ సమర్పించడం ఆనందంగా ఉందన్నారు. షరీఫ్ మాట్లాడుతూ.. కులమతాలకు అతీతంగా నిర్వహించే పవిత్ర పండుగ బాబయ్యస్వామి గందం ఉరుసు అన్నారు. స్వామి ఇచ్చిన సందేశం ప్రకారం అందరూ సమానమనీ, సోదరభావంతో మెలగాలన్నారు.
|
|