కరివేపాకు తింటే షుగర్, బరువు సమస్యలు తగ్గుతాయా

ప్రకృతి మనకి దేవుడిచ్చిన వరం. మనకి వచ్చే ప్రతి ఆరోగ్య సమస్యకి ప్రకృతి నుంచి పరిష్కారం ఉంటుంది. అందులో కరివేపాకు కూడా ఒకటి. దీని వల్ల ఒకటి కాదు రెండు కాదు.. చాలా సమస్యలు దూరమవుతాయి. దీని గురించే ఓ యూట్యూబ్‌ ఛానల్‌లో వీడియో వైరల్ అవుతోంది. మలబద్ధకం, షుగర్, కొలెస్ట్రాల్ వంటి సమస్యలకి కరివేపాకు చాలా ఎఫెక్టివ్‌గా పనిచేస్తుందని వీడియోలో చెబుతున్నారు. దీనిపై డాక్టర్స్ ఏమంటున్నారో తెలుసుకోవడం చాలా ముఖ్యం. దీంతో ఆ ఆకులని మనం హ్యాపీగా తీసుకోవచ్చు. దీని గురించి ఫ్యాక్ట్ చెక్ టీమ్ డాక్టర్‌‌ని సంప్రదించింది.

కరివేపాకు తింటే కలిగే బెనిఫిట్స్ గురించి వీడియోలో తెలిపారు. జుట్టుకి కరివేపాకు వల్ల ఏమేం లాభాలున్నాయి.. ఈ ఆకులు రక్తహీనత, కొలెస్ట్రాల్, షుగర్ సమస్యలకి చక్కని పరిష్కారంగా చెబుతున్నారు. ఈ ఆకుల్లోని గుణాల కారణంగా దగ్గు వంటి సమస్యలు తగ్గుతాయని తెలిపారు. ఈ వార్తల్లోని నిజాల గురించి శారదా యూనివర్శిటీలోని న్యూట్రిషన్ అండ్ డైటెటిక్స్ అసిస్టెంట్ ప్రొఫెసర్ జుబియా ఇస్లాం మాట్లాడారు.

కరివేపాకు మలబద్ధకాన్ని దూరం చేస్తుందని తెలిపారు. ఈ ఆకులు జీర్ణ ఎంజైమ్స్‌ని విడుదల చేస్తాయి. ఇవి మలబద్ధకాన్ని తగ్గించి ఆహారాన్ని జీర్ణం చేస్తాయని తెలిపారు.

రక్తంలో చక్కెర..

అదే విధంగా, కరివేపాకు తింటే రక్తంలో చక్కెర కంట్రోల్ అవుతుంది. నిపుణుల పరిశోధనలో కూడా ఈ వాదన నిజమని తేలింది.

కొలెస్ట్రాల్ బ్యాలెన్స్‌

ఉదయాన్నే ఖాళీ కడుపుతో కరివేపాకు తింటే కరివేపాకు తింటే కొలెస్ట్రాల్ స్థాయిలు బ్యాలెన్స్ అవుతాయి. గుండె ఆరోగ్యం మెరుగ్గా అవుతుందని వీడియోలో తెలిపారు. నిజంగానే ఈ ఆకులు ఆక్సీకరణ ఒత్తిడిని తగ్గించి అందులోని యాంటీ ఆక్సిడెంట్ గుణాలు గుండె ఆరోగ్యాన్ని కాపాడతాయని నిపుణులు చెబుతున్నారు. కాబట్టి, ఇది కూడా నిజమని పరిశోధనలో తేలింది.

జుట్టు ఆరోగ్యానికి..

కరివేపాకులో విటమిన్స్, ఫాస్పరస్, ఐరన్ పుష్కలంగా ఉంటుంది. దీని వల్ల జుట్టుకి చాలా మేలు జరుగుతుందని వీడియోలో తెలిపారు. దీనిపై స్పందించిన డాక్టర్.. ఇది కూడా నిజమేనని ఈ ఆకుల్లో ప్రోటీన్, బీటా కెరోటిన్ కంటెంట్ ఎక్కువగా ఉంటుంది. ఇది జుట్టు ఆరోగ్యాన్ని కాపాడి రాలడాన్ని తగ్గిస్తుంది. కరివేపాకుని తీసుకుంటే త్వరగా తెల్లబడడం వంటి సమస్యలు దూరమవుతాయి.

ఆరోగ్యానికి..

ఈ ఆకులని రోజూ తీసుకుంటే ఆరోగ్యంగా ఉంటారని నిపుణులు చెబుతున్నారు. కరివేపాకులో కాల్షియం, ఐరన్ వంటి ఖనిజాలతో పాటు యాంటీ ఆక్సిడెంట్స్, విటమిన్స్ ఎ, బి, సి మరియు ఈ వంటి పోషకాలు కూడా ఉన్నాయి.

ఫ్యాక్ట్‌ చెక్‌లో తేలిందేంటంటే..

కరివేపాకు ప్రయోజనాల గురించి ఫ్యాక్ట్ చెక్‌లో తేలిన విషయం ఏంటంటే ఈ ఆకులని తాజాగా, ఎండబెట్టి, పొడిగా ఏ రూపంలోనైనా తింటే ఇది ఆరోగ్యానికి చాలా మంచిదని. కాబట్టి, ఈ ఆకుల్ని తినొచ్చు. ఈ ఆకులు తినడం వల్ల చాలా లాభాలు ఉంటాయి. అయితే, లాభాలున్నాయని ఎక్కవుగా తినకూడదు. వీటిని మోతాదులో తినాలి.

ఏదైనా ఫుడ్ హెల్దీ అయినప్పటికీ ఎంత మోతాదులో తినాలో తెలుసుకోవాలి. దీని గురించి ముందుగా మీరు డాక్టర్‌ని కన్సల్ట్ అవ్వాలి. దీంతో ఆరోగ్యానికి ఎలాంటి సమస్య ఉండదు. ఈ కరివేపాకుల్ని మనం తాజాగా ఆకుల్ని కడిగి ఉదయాన్నే నమిలి మింగడం వల్ల ఎక్కువ లాభాలు ఉంటాయి. అలా కాకుండా వీటిని డైట్‌లో యాడ్ చేసేందుకు కూరలా వండి తినొచ్చు. పొడిలా తయారు చేసి దానిని కూడా తీసుకోవచ్చు. ఇలా ఎలా తీసుకున్నా లాభాలుంటాయని గుర్తుపెట్టుకోండి.