ట్రెండింగ్
రఘురామపై ప్రశంసలు.. ఆర్ఆర్ఆర్ కు కొత్త నిర్వచనం చెప్పిన లోకేశ్
Andhra Pradesh Telugu | Suryaa Desk | Published : Mon, Jan 06, 2025, 07:53 PM
భీమవరంలో రతన్ టాటా కాంస్య విగ్రహాన్ని మంత్రి నారా లోకేశ్ సోమవారం ఆవిష్కరించారు. ఈ సందర్భంగా అక్కడ ఏర్పాటుచేసిన సభలో ఆయన ప్రసంగిస్తూ.. ఉండి ఎమ్మెల్యే రఘురామ కృష్ణంరాజుపై ప్రశంసలు కురిపించారు. ఆయన ఫైర్ బ్రాండ్ అని ఆకాశానికెత్తేశారు. ఎమ్మెల్యేగా గెలిచిన తర్వాత ఉండి నియోజకవర్గ అభివృద్ధి సంస్థను ఏర్పాటు చేశారని ఆయన గుర్తుచేశారు. విద్యార్థులను చూస్తుంటే తన కాలేజీ రోజులు గుర్తుకొస్తున్నాయని చెప్పారు. చంద్రబాబు నాయుడు అరెస్టైనప్పుడు ఫోన్లు చేసిన మొదటి పది మంది వ్యక్తుల్లో ఆర్ఆర్ఆర్ ఒకరని వివరించారు. తాను కష్టకాలంలో ఉన్నప్పుడు తనకు తోడుగా ఉన్నారని గుర్తుచేశారు. ఆర్ఆర్ఆర్ అంటే రియల్, రెస్పాన్సిబుల్ అండ్ రెబల్ అని లోకేశ్ కొనియాడారు. ఏ పోలీసులైతే ఆయనను కొట్టారో వారికి సొంత నిధులతో వాహనాలు కొనిచ్చారని చెప్పారు.
|
|