ప్రతి రోజూ కనీసం ఒక కిలోమీటర్ నడిస్తే ,,, బరువు తగ్గుతారా

ఆరోగ్యమే మహాభాగ్యం అంటారు పెద్దలు. మంచి ఆరోగ్యమే జీవితానికి గొప్ప సంపద. ఈ విలువైన సంపదను కాపాడుకోవడం చాలా ముఖ్యం. ఇందుకోసం ఆహారం తీసుకోవడం, నీరు తాగడం ఎంత ముఖ్యమో వ్యాయామం కూడా అంతే ముఖ్యం. వ్యాయామం శారీరక, మానసిక ఆరోగ్యాన్ని మెరుగుపరుస్తుంది. కరోనా తర్వాత చాలా మందిలో వ్యాయామం మీద అవగాహన పెరిగింది. ఉదయాన్నే వాకింగ్, జాగింగ్, యోగా, జిమ్‌లో వర్కౌట్లు వంటివి చేస్తున్నారు. కొందరు వ్యాయామానికి దూరంగా ఉంటున్నారు. మరికొందరు ఫిట్‌గా ఉండటానికి వాకింగ్‌ని ఆప్షన్‌గా తీసుకుంటున్నారు.

చాలా మంది ఆరోగ్యం కోసం వాకింగ్ చేస్తున్నారు. ఇంకొందరు బరువు తగ్గడం కోసం వాకింగ్ చేస్తున్నారు. మరికొందరు ఆరోగ్యంగా ఉంటామన్న భావనతో వాకింగ్ చేస్తున్నారు. చాలా మంది సులువుగా చేయగలిగే వ్యాయామం వాకింగ్. నడక వల్ల ఆరోగ్యానికి ఎంతో మేలు జరుగుతుంది. వాకింగ్ చేయడం చాలా ఈజీ. రోజూ వాకింగ్ చేయడం వల్ల ఎన్నో లాభాలు ఉంటాయి. అయితే, రోజూ ఒక కిలోమీటర్ నడవడం వల్ల శారీరకంగా, మానసికంగా అనేక ప్రయోజనాలు ఉన్నాయి. అవేంటో తెలుసుకుందాం.

గుండె సంబంధిత సమస్యలు తగ్గుతాయి

​రోజూ నడక వల్ల గుండె ఆరోగ్యం మెరగవుతుంది. నడక రక్త ప్రసరణను మెరుగుపరుస్తుంది. రక్తపోటును అదుపులో ఉంచుతుంది. గుండె పనితీరును మెరుగుపరుస్తుంది. రోజూ ఒక కిలోమీటర్ నడవడం వల్ల హృదయ స్పందన సక్రంగా ఉంటుంది. దీంతో రక్తప్రసరణ మెరగవుతుంది. ఇది గుండె సంబంధిత వ్యాధుల ప్రమాదాన్ని తగ్గిస్తుంది.

బరువు తగ్గవచ్చు

క్రమం తప్పకుండా ప్రతి రోజూ ఒక కిలోమీటర్ నడవడం ద్వారా చాలా కేలరీలు బర్న్ చేయవచ్చు. ఇలా నడవడం వల్ల జీవక్రియ రేటు పెరుగుతుంది. దీని కారణంగా శరీరం ఎక్కువ కేలరీలను బర్న్ చేస్తుంది. రెగ్యులర్ వాకింగ్ చేయడం వల్ల శరీరంలో పేరుకుపోయిన కొవ్వు, ముఖ్యంగా బెల్లీ ఫ్యాట్ తగ్గుతుంది. అందుకే ప్రతి రోజు ఒక కిలోమీటర్ అటు, ఒక కిలోమీటర్ ఇటు నడవడం అలవాటు చేసుకోండి.

కండరాలు బలంగా మారుతాయి

​ప్రతి రోజూ నడవడం వల్ల కాళ్ల కండరాలు బలపడుతాయి. దీంతో కీళ్లలో ఫ్లెక్సిబిలిటీ పెరుగుతుంది. కీళ్ల నొప్పులు, కండరాల నొప్పిని వాకింగ్‌తో తగ్గించుకోవచ్చు. ప్రతి రోజూ నడవడం వల్ల కాల్లలో రక్త ప్రసరణ మెరగవుతుంది. దీంతో కండరాలు ఫ్లెక్సిబిలీటీగా మారతాయి.

మానసిక ఆరోగ్యం

ఈ రోజుల్లో చాలా మంది ఒత్తిడితో బాధపడుతున్నారు. పని బత్తిడి కారణంగానే గుండె పోటు సమస్యల్ని ఎదుర్కొంటున్నారు. ఇలాంటి వారికి వాకింగ్ మంచి ఆప్షన్. ప్రతి రోజూ నడవడం వల్ల మానసిక ఆరోగ్యం మెరగవుతుంది. రోజూ వాకింగ్ చేయడం వల్ల శారీరకంగానే కాదు మానసికంగా కూడా బలపడవచ్చు. ప్రతి రోజూ నడవడం వల్ల మనసుకు ఉపశమనం లభిస్తుంది. ప్రకృతిలో నడవడం వల్ల మానసిక ప్రశాంతత లభిస్తుంది.

జీర్ణవ్యవస్థకు మేలు

చాలా మంది జీర్ణ సమస్యలతో బాధపడుతున్నారు. ఇలాంటి వారికి నడక మంచి ఆప్షన్. ప్రతి రోజూ కనీసం ఒక కిలోమీటర్ అయినా నడవాలి. ఇలా నడవడం వల్ల జీవక్రియ మెరగవుతుంది. జీవక్రియ వేగవంతం అవ్వడం వల్ల జీర్ణక్రియ మెరుగుపడుతుంది. అంతేకాకుండా ఆమ్లతను తగ్గిస్తుంది. దీంతో, గ్యాస్ సమస్యల నుంచి రిలీఫ్ లభిస్తుంది.

ఎముకలు స్ట్రాంగ్

ప్రతి రోజు నడక వల్ల ఎముకలు చాలా బలంగా మారుతాయి. ఎముకల ద్రవ్యరాశి బలోపేతంగా మారుతుంది. రెగ్యులర్‌గా నడవడం వల్ల ఎముకల బోలు, ఆస్టియోపోరోసిస్ వంటి వ్యాధుల్ని నివారించవచ్చు. ప్రతిరోజూ కనీసం ఒక కిలోమీటర్ అయినా నడిస్తే ఈ లాభాలు అందుతాయని నిపుణులు అంటున్నారు.

ఇంకా లాభాలు

* రోజూ వాకింగ్ చేయడం వల్ల ఇమ్యూనిటీ పవర్ పెరుగుతుంది. దీంతో, వ్యాధుల్ని తట్టుకునే శక్తి వస్తుంది.

* క్రమం తప్పకుండా నడవడం వల్ల శరీరం అలసిపోతుంది. దీంతో రాత్రి వేళలో హాయిగా నిద్రపోవచ్చు. నిద్రలేమి సమస్యలు ఉన్నవారికి వాకింగ్ మంచి ఆప్షన్.

* నడక మిమ్మల్ని శక్తివంతంగా మారుస్తుంది. అంతేకాకుండా చురుగ్గా ఉంటారు.

* రెగ్యులర్ వాకింగ్ వల్ల శరీరం బలంగా, ఫిట్‌గా మారుతుంది.