ఏం తిన్నా జీర్ణమవ్వక, మలబద్ధకంతో బాధపడుతున్నారా

కొన్నిసార్లు ఏం తిన్నా జీర్ణమవ్వదు. బ్లోటింగ్, వాంతులు, మలబద్ధకం ఇలా చాలా మంది ఫేస్ చేసే ఉంటారు. దీనికి కారణం గట్ హెల్త్ పాడవ్వడమే. ఇది వరకటి రోజుల్లో ఏం తిన్నా అరిగించుకునేవారు. కానీ, రాన్రాను కల్తీ తిండి.. దానికి తోడు సరైన ఫిజికల్ యాక్టివిటీ లేకపోవడం వంటి కారణాలతో చాలా మంది జీర్ణ సమస్యలతో బాధపడుతున్నారు. దీంతో పాటు చాలా మంది డెస్క్ జాబ్స్ చేస్తున్నారు దీంతో రోజులో ఎక్కువశాతం కూర్చునే ఉంటారు. ఇలా ఉండడం వల్లే మొత్తం సమస్య. వీటన్నింటికీ చెక్ పెట్టాలంటే ముందుగా మన గట్‌ని సరిగా కాపాడుకోవాలి. దానికోసం కొన్ని జాగ్రత్తలు తీసుకోవాలి.

గట్ సిండ్రోమ్‌తో వచ్చే సమస్యలు

చాలా వరకూ డయాబెటిస్, థైరాయిడ్, పోషకాహారం లోపం, బరువు సమస్యలు, బ్లోటింగ్, మలబద్ధకం , PCOS, ఇన్‌ఫెర్టిలిటీ వంటి ఇతర సమస్యలన్నీ కూడా గట్ హెల్త్ బాలేకపోవడం వల్లే వస్తాయి. గట్ హెల్త్ పాడవ్వడం వల్ల ఇంటెస్టినల్ లైనింగ్ దెబ్బతింటుంది. ఇన‌ఫ్లమేషన్ పెరుగుతుంది. హెల్త్ ప్రాబ్లమ్స్ వస్తాయి.

కారణాలు

గట్ హెల్త్ సరిగా లేకపోవడానికి కారణాలు చాలానే ఉంటాయి. ఎక్కువగా పంచదార తినడం, రిఫైండ్ పిండి, నిద్ర సరిగా లేకపోవడం, అన్‌హెల్దీ హ్యాబిట్స్ఇలాంటి చాలానే కారణాలు ఉన్నాయి. పంచదార, ఆల్కహాల్, ఫ్రైడ్ ఫుడ్స్ వంటివి తీసుకోవడం వల్ల పోషకాలు అబ్జార్బ్ చేసుకోలేం. దీంతో బాడీకి చాలా సమస్యలొస్తాయి.

మరేం చేయాలి

గట్ హెల్త్ బాగుండాలంటే మన లైఫ్‌స్టైల్‌ని చేంజ్ చేసుకోవాలి. యోగర్ట్, ఫర్మెంటెడ్ ఫుడ్స్ తీసుకోవాలి. వీటివల్ల నేచురల్‌గానే గట్‌లో హెల్దీ బ్యాక్టీరియా పెరుగుతుంది.

అదే విధంగా, షుగర్, ఆల్కహాల్‌ని తగ్గించాలి. వీటి వల్ల కడుపులో చెడు బ్యాక్టీరియా పెరగదు.

హ్యాపీగా నిద్రపోవాలి. సరైన నిద్రతో బాడీ రిపేర్ సరిగా జరుగుతుంది.

స్ట్రెస్‌ని తగ్గించుకోవాలి. దీనికోసం మెడిటేషన్, ఎక్సర్‌సైజెస్ చేయొచ్చు.

ఇన్ని జాగ్రత్తలు తీసుకున్న సమస్య తగ్గకపోతే ప్రొఫెషనల్‌ని కలిసి సరైన సప్లిమెంట్స్ తీసుకోవాలి. ​

ఎక్సర్‌సైజెస్

అదే విధంగా, ఎక్సర్‌సైజ్ చేయాలి. రెగ్యులర్‌గా రోజుకి అరగంటైనా వర్కౌట్ చేయాలి. చేయడం వల్ల తిన్న ఆహారం చక్కగా జీర్ణమవుతుంది. అదే విధంగా, బాడీ కూడా ఫ్లెక్సిబుల్‌గా ఉంటుంది. దీంతో బరువు తగ్గడమే కాకుండా జీర్ణ వ్యవస్థ కూడా సరిగా ఉంటుంది.

మొత్తంగా

దేహమే దేవాలయం అంటారు. ఇది అక్షర సత్యం మన ఆరోగ్యాన్ని మనమే కాపాడుకోవాల్సిన అవసరం ఉంది. కాబట్టి, వయసు, పొల్యూషన్, కల్తీ ఫుడ్ వల్ల వచ్చే సమస్యల నుంచి మనల్ని మనం కాపాడుకోవాలంటే సరైన లైఫ్‌స్టైల్ చేంజెస్ చేయాలి. గట్ హెల్త్‌ని కాపాడుకోవాలంటే మెంటల్ హెల్త్‌ని కాపాడుకోవాలి. అప్పుడే అన్ని సమస్యలు దూరమై ఆరోగ్యంగా ఉంటారు.