ప్రభుత్వంపై వ్యతిరేకత ఉందని చెప్పటానికి యువ‌త పోరు కార్యక్రమమే నిదర్శనం

విద్యార్ధులు, యువత పట్ల కూటమి ప్రభుత్వం చూపుతున్న నిర్లక్ష్య దోరణిని ప్రశ్నిస్తూ వైయస్‌ఆర్‌సీపీ ఆధ్వర్యంలో నిర్వహించిన 'యువత పోరు' విజయవంతం అయ్యిందని వైయ‌స్ఆర్‌సీపీ కేంద్ర కార్యాల‌య ఇన్‌చార్జి, ఎమ్మెల్సీ లేళ్ల అప్పిరెడ్డి అన్నారు. తాడేపల్లి వైయస్ఆర్‌సీపీ కేంద్ర కార్యాలయంలో మీడియాతో మాట్లాడుతూ .. రాష్ట్రంలోని 26 జిల్లా కలెక్టరేట్‌ల ఎదుట పెద్ద ఎత్తున విద్యార్ధులు, వారి తల్లిదండ్రులు, యువకులు ఈ ఆందోళనల్లో స్వచ్ఛందంగా భాగస్వాములయ్యారని వెల్లడించారు. వైయస్‌ఆర్‌సీపీ ఆవిర్భావ దినోత్సవం అయినప్పటికీ పార్టీ ఆధ్వర్యంలో మొద్దు నిద్రలో ఉన్న పాలకుల కళ్ళు తెరిపించేలా చేపట్టిన ఈ కార్యక్రమం కూటమి సర్కార్ గుండెల్లో దడ పుట్టించిందని అన్నారు. అయన మాట్లాడుతూ.... వైయస్ఆర్‌ కాంగ్రెస్ పార్టీ ఆవిర్భావం నుంచి గ‌డిచిన 15 ఏళ్లుగా ఎన్నో ఒడిదుడుకులు ఎదుర్కొన్నప్ప‌టికీ దివంగ‌త వైయ‌స్ఆర్ ఆశ‌య సాధ‌నే ల‌క్ష్యంగా ప్ర‌జా స‌మ‌స్య‌ల ప‌రిష్కారం కోసం ముందుకు సాగుతోంది. అందుకే వైయ‌స్ఆర్‌సీపీ ప‌క్షాన పార్టీ శ్రేణులు మాత్ర‌మే కాకుండా వైయ‌స్ జ‌గ‌న్ పాల‌న, పార్టీ విధానాలతో ఏకీభ‌వించి ఎంతోమంది మేధావులు మాకు అండ‌గా నిలుస్తున్నారు. వారంద‌రికీ హృద‌యపూర్వ‌క ధ‌న్య‌వాదాలు తెలియజేస్తున్నాము. యువ‌జ‌న శ్రామిక రైతు కాంగ్రెస్ పార్టీగా అన్ని వ‌ర్గాల ప్ర‌జ‌ల స‌మ‌స్య‌ల ప‌రిష్కారం కోసం ఎప్ప‌టిక‌ప్పుడు రాజీలేని పోరాటం చేస్తున్నాం. ఈరోజు పార్టీ ఆవిర్భావ దినోత్స‌వం అయిన‌ప్ప‌టికీ విద్యార్థులు యువ‌త స‌మ‌స్య‌ల‌పై దృష్టి సారించి ప్ర‌భుత్వంపైన పోరాటానికి ముంద‌డుగేశాం. రాష్ట్ర‌వ్యాప్తంగా ఉన్న 26 జిల్లాల్లోనూ నిర్వ‌హించిన యువ‌త పోరు కార్య‌క్ర‌మానికి స్వ‌చ్ఛందంగా యువ‌త త‌ర‌లిరావ‌డం చూస్తుంటే ప్ర‌భుత్వంపై ఉన్న వ్య‌తిరేక‌త స్ప‌ష్టంగా కనిపిస్తోంది. 9 నెల‌ల్లోనే ఈ ప్ర‌భుత్వం ప్ర‌జ‌ల నుంచి తీవ్ర‌మైన తిరుగుబాటును ఈ ప్ర‌భుత్వం ఎదుర్కొంటోంది అని అభిప్రాయపడ్డారు.