రాజా రఘువంశీ అంత్యక్రియల్లో రాజ్ కుశ్వాహా.... వీడియో వైరల్

మేఘాలయలో హనీమూన్‌కు వెళ్లి హత్యకు గురైన రాజా రఘువంశీ కేసు గురించి అందరికీ తెలిసిందే. ముఖ్యంగా భార్యే.. సుపారీ ఇచ్చి మరీ భర్తను చంపినట్లు తెలిసిన తర్వాత నుంచి అనేక ఆసక్తికర విషయాలు వెలుగులోకి వస్తున్నాయి. ఎవరికీ అనుమానం రాకుండా ఉండేందుకు సోనమ్ కిడ్నాప్‌కు గురైనట్లు నాటకం ఆడగా.. ఆమె ప్రియుడు కూడా అంతే పకడ్బందీగా ప్లాన్‌లో భాగం అయ్యాడు. రాజా రఘువంశీ అంత్యక్రియల్లో కూడా పాల్గొని వారికి విధేయుడిగా నటించాడు. అక్కడే ప్రియుడి తండ్రిని ఓదారుస్తూ కనిపించగా.. ప్రస్తుతం ఇందుకు సంబంధించిన వీడియో నెట్టింట వైరల్ అవుతోంది.

మధ్య ప్రదేశ్‌లోని ఇందౌర్‌కు చెందిన సోనమ్, రాజా రఘువంశీలకు జూన్ 11వ తేదీన వివాహం జరిగింది. అయితే 20వ తేదీన వీరిద్దరూ కలిసి మేఘాలయకు హనీమూన్ కోసం వెళ్లారు. 22వ తేదీన వీరి ఆచూకీ గల్లంతు కాగా.. 11 రోజుల తర్వాత రాజా రఘువంశీ మృతదేహం లభ్యం అయింది. అయితే రండ్రోజుల క్రితమే సోనమ్ పోలీసులకు చిక్కగా.. అసలు విషయాలు వెలుగులోకి వచ్చాయి. ముఖ్యంగా ఆమే తన ప్రియుడు రాజ్ కుశ్వాహా కోసం భర్తను హత్య చేయించినట్లు తెలిసిందే. ముఖ్యంగా పెళ్లైన 5 రోజులకే పుట్టింటికి వెళ్లిన ఆమె ప్రియుడితో కలిసి రాజా రఘువంశీ హత్యకు ప్లాన్ చేసినట్లు పోలీసులు విచారణలో తెలిసింది. ప్రస్తుతం సుపారీ తీసుకుని మరీ రఘువంశీని హత్య చేసిన ముగ్గురు నిందితులో పాటు సోనమ్, ఆమె ప్రియుడు కూడా పోలీసుల కస్టడీలో ఉన్నారు.

ఈక్రమంలోనే ఈ కేసుకు సంబంధించిన విస్తుపోయే విషయాలు వెలుగులోకి వస్తున్నాయి. ముఖ్యంగా ఎవరికీ అనుమానం రాకూడదని భర్త మృతదేహం దొరికిన వారం రోజుల వరకు బయటకు రాకుండా సోనమ్ జాగ్రత్త పడగా.. ఆమె ప్రియుడి మరింత పకడ్బందీగా ప్లాన్‌లో భాగం అయినట్లు తెలుస్తోంది. తనపై కూడా ఎవరికీ అనుమానం రాకుండా ఉండేందుకు రాజ్ కుశ్వాహా.. రాజా రఘవంశీ అంత్యక్రియల్లో కూడా పాల్గొన్నాడు. అంతేకాకుండా ప్రియరాలి తండ్రిని ఓదారుస్తూ కనిపించాడు. రఘువంశీ కుటుంబానికి కూడా విధేయుడిగా ఉన్నట్లు నటించాడు. ఇందుకు సంబంధించిన వీడియోను మృతుడి సోదరి ఎక్స్ వేదికగా పోస్ట్ చేశారు.

అలాగే రఘువంశీ మృతదేహం దొరికిన తర్వాత దాన్ని ఇందౌర్‌కు తరలించేందుకు తాము నాలుగు వాహనాలను ఏర్పాటు చేసుకున్నట్లు చెప్పారు. అయితే అందులో ఒకరిని నిందితుడే నడిపినట్లు వెల్లడించారు. సోనమ్ అంతేకాకుండా అతడే దగ్గరుండి సోనమ్ తండ్రిని ఓదార్చారని పేర్కొన్నారు. అరెస్ట్ తర్వాతనే అతడి గురించి తమకు తెలిసిందని చెప్పుకొచ్చారు. ఈ హత్యలో తన ప్రమేయం ఉందని తెలియకుండా ఉండేందుకు చాలా జాగ్రత్తలు తీసుకున్నట్లు వివరించారు.