బంగాళాఖాతంలో అల్పపీడనం.. ఏపీలోని ఈ జిల్లాలలో భారీ వర్షాలు

ఆంధ్రప్రదేశ్ ప్రజలకు ముఖ్య గమనిక. గురువారం ఏపీలోని పలు జిల్లాలలో భారీ వర్షాలు కురిసే అవకాశం ఉంది. వాయువ్య బంగాళాఖాతంలో వచ్చే 24 గంటల్లో అల్పపీడనం ఏర్పడే అవకాశం ఉంది. ఈ అల్పపీడనం ప్రభావంతో ఏపీలో భారీ వర్షాలు కురిసే అవకాశం ఉందని ఏపీ విపత్తుల నిర్వహణ సంస్థ ఎండీ ప్రఖర్ జైన్ వెల్లడించారు. అల్పపీడనం ప్రభావంతో వచ్చే నాలుగు రోజులు అక్కడక్కడా పిడుగులతో కూడిన భారీ వర్షాలు కురుస్తాయని తెలిపారు. తీరం వెంబడి గంటకు 40-60 కిలోమీటర్ల వేగంతో ఈదురుగాలులు వీచే అవకాశం ఉందని తెలిపారు. భారీ వర్షాలు, ఈదురు గాలుల నేపథ్యంలో ప్రజలు అప్రమత్తంగా ఉండాలని సూచించారు.

మరోవైపు గురువారం రోజున శ్రీకాకుళం, విజయనగరం, పార్వతీపురం మన్యం, అల్లూరి సీతారామరాజు జిల్లా , కాకినాడ, తూర్పు గోదావరి, ఏలూరు జిల్లాలలో కొన్నిచోట్ల పిడుగులతో కూడిన మోస్తారు నుంచి భారీ వర్షాలు కురిస్తాయని ఏపీ విపత్తుల నిర్వహణ సంస్థ అంచనా వేసింది.

విశాఖపట్నం జిల్లా, అనకాపల్లి, అంబేద్కర్ కోనసీమ, పశ్చిమగోదావరి, కృష్ణా, ఎన్టీఆర్ జిల్లా, గుంటూరు, బాపట్ల,పల్నాడు, ప్రకాశం, నెల్లూరు, కర్నూలు జిల్లా, నంద్యాల, అనంతపురం, శ్రీ సత్యసాయి, వైఎస్ఆర్ కడప జిల్లా, అన్నమయ్య, చిత్తూరు, తిరుపతి జిల్లాల్లో కొన్నిచోట్ల తేలికపాటి వర్షాలు కురిస్తాయని వెల్లడించింది. పిడుగులు కూడా పడే అవకాశం ఉందని ప్రజలు అప్రమత్తంగా ఉండాలని సూచించింది. భారీ వర్షాల నేపథ్యంలో భారీ హోర్డింగులు, చెట్ల కింద, శిథిలావస్థలో ఉన్న గోడలు, భవనాల దగ్గర నిలబడకూడదని హెచ్చరించింది.

అల్పపీడనం ప్రభావంతో శుక్రవారం రోజున శ్రీకాకుళం, విజయనగరం, పార్వతీపురం మన్యం జిల్లా, అల్లూరి సీతారామరాజు జిల్లా, విశాఖపట్నం, అనకాపల్లి జిల్లాల్లో పిడుగులతో అక్కడక్కడా పిడుగులతో కూడిన తేలికపాటి నుంచి మోస్తరు వర్షాలు కురిసే అవకాశం ఉందని ఏపీ విపత్తుల నిర్వహణ సంస్థ తెలిపింది. కోనసీమ, తూర్పు గోదావరి, పశ్చిమ గోదావరి, ఏలూరు, కృష్ణా, ఎన్టీఆర్ జిల్లా, గుంటూరు, బాపట్ల, పల్నాడు, నెల్లూరు, ప్రకాశం, కర్నూలు, అనంతపురం, నంద్యాల, శ్రీసత్యసాయి జిల్లా, అన్నమయ్య, వైఎస్ఆర్ కడప జిల్లా, చిత్తూరు, తిరుపతి జిల్లాలలో అక్కడక్కడా పిడుగులతో తేలికపాటి వర్షం కురవొచ్చని తెలిపింది.

శనివారం రోజున శ్రీకాకుళం, విజయనగరం, పార్వతీపురం, అల్లూరి, పశ్చిమ గోదావరి, ఏలూరు జిల్లాల్లో మోస్తారు వర్షాలు కురుస్తాయని.. ఇతర జిల్లాల్లో తేలికపాటి వర్షాలు కురిసే అవకాశం ఉందని విపత్తుల నిర్వహణ సంస్థ తెలిపింది.ఆదివారం నాడు శ్రీకాకుళం, విజయనగరం, పార్వతీపురం, అల్లూరి, విశాఖపట్నం, అనకాపల్లి, కాకినాడ, కోనసీమ, తూర్పు గోదావరి, పశ్చిమ గోదావరి, ఏలూరు, కృష్ణా, ఎన్టీఆర్, గుంటూరు, బాపట్ల, పల్నాడు, ప్రకాశం జిల్లాలలో తేలికపాటి వర్షాలు పడతాయని తెలిపింది.