ధరలు పెరుగుతన్న టమోటా
Andhra Pradesh Telugu | Suryaa Desk | Published : Sun, Jun 29, 2025, 11:02 AM
టమోటా ధరలపై రైౖతులు ఆశలు పెంచుకుంటున్నారు. గత 8 నెలలుగా టమోటా ధరలు గణనీయంగా పడిపోయాయి. సాధారణంగా ఏప్రిల్, మే మాసాల్లో తప్పక టమోటా ధరలు పెరుగుతుందని ఆశించిన రైతులకు నిరాశే మిగిలింది. అయితే జూన్ 15 వరకు టమోటా కిలో రూ.10 వరకు పలుకుతుండేది. అయితే ఆ ధరలు పెరుగుతూ వచ్చాయి. గత ఆరు రోజులుగా టమోటా ధరలు కొంత నిలకడగానే పలుకుతున్నాయి. ఈనెల 23న పలమనేరు మార్కెట్లో కిలో కనీస ధర రూ.13.70, గరిష్ట ధర రూ.24.70, 24న టమోటా కిలో కనిష్ట ధర రూ.21.60 , గరిష్ట ధర రూ. 24.70, 25న టమోటా కిలో కనిష్ట ధర రూ.17, గరిష్ట ధర రూ.23, 26న టమోటా కిలో కనిష్ట ధర రూ.16, గరిష్ట ధర రూ.20, 27న టమోటా కిలో కనిష్ట ధర రూ.17.80, గరిష్ట ధర రూ.21, శనివారం టమోటా కిలో కనిష్ట ధర రూ.17.70, గరిష్ట ధర కిలో రూ.21.50 పలికాయి. 15 కిలోల టమోటా బాక్సు ధర రూ.300లకు చేరుకుంది. అయితే మళ్లీ ఇప్పుడు వర్షాలు కురిస్తే తోటల్లోనే టమోటాలు మాగిపోయి మార్కెట్ కు పెద్ద ఎత్తున తీసుకొస్తే మాత్రం మళ్లీ బాక్సు టమోటాల ధరలు రూ.150 లకు పడిపోయే ప్రమాదం ఉందని వ్యాపార వర్గాలు చెబుతున్నాయి.
|
|