విమానంలో పాము కలకలం.. రెండు గంటల ఆలస్యం, ప్రయాణికుల్లో భయం
international | Suryaa Desk | Published : Wed, Jul 02, 2025, 03:37 PM
ఆస్ట్రేలియాలో మెల్బోర్న్ నుంచి బ్రిస్బేన్కు వెళ్తున్న ఒక విమానంలో పాము కనిపించడం కలకలం రేపింది. విమానంలో ఓ ప్రయాణికుడు సీట్ల మధ్యలో తొలిసారిగా పామును చూసి సిబ్బందికి తెలియజేశారు. ఈ సమాచారం వెంటనే పైలట్కి చేరడంతో విమానాన్ని తాత్కాలికంగా నిలిపివేశారు.
ఎయిర్పోర్ట్ సిబ్బంది అప్రమత్తమై స్నేక్ క్యాచర్ను పిలిపించారు. కాసేపట్లో పామును జాగ్రత్తగా పట్టుకున్నారు. పరిశీలించిన తర్వాత అది విషపూరితం కాదని నిర్ధారణ అయింది. అయితే, పామును చూసిన ప్రయాణికులు భయంతో గడగడలాడిపోయారు. కొంతమంది టెెన్షన్తో తమ సీట్లలో కదలకుండా ఉండిపోయారు.
ఈ ఘటన కారణంగా విమాన సేవలు సుమారు రెండు గంటల పాటు నిలిచిపోయాయి. పామును పూర్తిగా తొలగించి, భద్రతా పరిశీలన అనంతరం విమానం మళ్లీ తన ప్రయాణాన్ని ప్రారంభించింది. చివరకు ప్రయాణికులెవరికీ ఎటువంటి హాని లేకపోవడంతో అందరూ ఊపిరి పీల్చుకున్నారు.
|
|