డీఎంఎఫ్ నిధులపై ప్రశ్నలు అడిగిన సానా సతీష్ బాబు
Andhra Pradesh Telugu | Suryaa Desk | Published : Mon, Jul 21, 2025, 08:03 PM_5887.jpg)
ఆంధ్రప్రదేశ్లో డిస్ట్రిక్ట్ మినరల్ ఫౌండేషన్ కింద సేకరించిన నిధులు, వాటి వినియోగంపై కేంద్ర బొగ్గు, గనుల శాఖ మంత్రి కిషన్ రెడ్డి రాజ్యసభలో వివరాలు వెల్లడించారు. టీడీపీ రాజ్యసభ సభ్యుడు సానా సతీష్ బాబు అడిగిన ప్రశ్నలకు సమాధానమిస్తూ, ముఖ్యంగా కాకినాడ జిల్లాలో డీఎంఎఫ్ నిధుల వినియోగం, ఖనిజాల వెలికితీత ద్వారా వచ్చిన ఆదాయంపై సమాచారం ఇచ్చారు. నేడు పార్లమెంటు వర్షాకాల సమావేశాలు ప్రారంభమైన సంగతి తెలిసిందే.గత ఐదు సంవత్సరాలలో ఆంధ్రప్రదేశ్ రాష్ట్రంలో డీఎంఫ్ కింద సేకరించిన మొత్తం నిధులను, జిల్లాల వారీగా వివరాలు తెలియజేయాలని రాజ్యసభ ఎంపీ సానా సతీష్ బాబు అడిగారు. ముఖ్యంగా, కాకినాడలో వెలికితీసిన ఖనిజాల జాబితా మరియు వాటి నుండి వచ్చిన ఆదాయం, అలాగే డీఎంఫ్ నిధులను ఉపయోగించి అధిక ప్రాధాన్యత మరియు ఇతర ప్రాధాన్యతా రంగాలలో పూర్తయిన, కొనసాగుతున్న మరియు పెండింగ్ ప్రాజెక్టుల వివరాలను కూడా అందించాలని కేంద్ర ప్రభుత్వాన్ని కోరారు. ఈ నేపథ్యంలో, కిషన్ రెడ్డి కాకినాడ జిల్లాలో డీఎంఎఫ్ కింద మంజూరైన ప్రాజెక్టుల వివరాలను అందించారు
|
|