భారత ఉత్పత్తులపై 25 శాతం సుంకం విధించిన ట్రంప్ భారత ఎగుమతి రంగంపై గణనీయమైన ప్రభావం

అమెరికా అధ్యక్షుడు డొనాల్డ్ ట్రంప్ భారతదేశం నుంచి దిగుమతి అయ్యే వస్తువులపై 25 శాతం టారిఫ్ విధిస్తూ ఆగస్టు 1 నుంచి కొత్త వాణిజ్య విధానాన్ని ప్రకటించడం తెలిసిందే. ఈ నిర్ణయం భారత ఆర్థిక వ్యవస్థపై, ముఖ్యంగా ఎగుమతి రంగంపై గణనీయమైన ప్రభావం చూపనుంది. అమెరికా... భారత్ కు కీలక వాణిజ్య భాగస్వామిగా ఉంది. 2024-25లో రెండు దేశాల మధ్య 186 బిలియన్ డాలర్ల వాణిజ్యం జరిగింది, ఇందులో భారతదేశం 86.5 బిలియన్ డాలర్ల ఎగుమతులు, 45.3 బిలియన్ డాలర్ల దిగుమతులను నమోదు చేసింది.ఎగుమతి రంగంపై ప్రభావం ఈ కొత్త టారిఫ్‌లు భారతదేశం యొక్క గార్మెంట్స్, లెదర్, ఫుట్‌వేర్, జెమ్స్ అండ్ జ్యువెలరీ, కార్పెట్స్, హ్యాండీక్రాఫ్ట్స్ వంటి శ్రమ ఆధారిత రంగాలను ఎక్కువగా ప్రభావితం చేయనున్నాయి. అమెరికా మార్కెట్‌లో భారతీయ వస్తువుల ధరలు పెరగడంతో, బంగ్లాదేశ్, వియత్నాం, థాయిలాండ్ వంటి దేశాలతో పోటీ పడే భారత ఉత్పత్తులు ఆకర్షణ కోల్పోయే అవకాశం ఉంది. అదనంగా, స్టీల్ మరియు అల్యూమినియం పై 50 శాతం, ఆటోమొబైల్ మరియు ఆటోమొబైల్ విడిభాగాలపై 25 శాతం అదనపు టారిఫ్‌లు విధించారు.జెమ్స్ అండ్ జ్యువెలరీ ఈ రంగం నుంచి అమెరికాకు 10 బిలియన్ డాలర్ల ఎగుమతులు జరుగుతాయి. టారిఫ్‌ల కారణంగా ధరలు పెరిగి, షిప్‌మెంట్ ఆలస్యం అయ్యే అవకాశం ఉంది. అంతిమంగా సరఫరా గొలుసుపై ఒత్తిడి పడుతుందని భావిస్తున్నారు.ఫార్మాస్యూటికల్స్:భారత్ అమెరికాకు 8 బిలియన్ డాలర్ల విలువైన నాన్-పేటెంటెడ్ ఔషధాలను ఎగుమతి చేస్తోంది. టారిఫ్‌లు ఈ రంగంలో డిమాండ్‌ను తగ్గిపోవచ్చు.ఎలక్ట్రానిక్స్ భారత్ ఇటీవల చైనాను అధిగమించి అమెరికాలో స్మార్ట్‌ఫోన్‌ల ప్రధాన సరఫరాదారుగా మారింది. ఈ టారిఫ్‌లు ఆపిల్ వంటి కంపెనీల ఐఫోన్ ఉత్పత్తి ప్రణాళికలను ప్రభావితం చేయవచ్చు.రిఫైనరీలు రష్యా నుంచి 37 శాతం చమురు దిగుమతులపై ఆధారపడే భారత రిఫైనరీలు, ఈ టారిఫ్‌ల వల్ల రష్యన్ చమురు అందుబాటులో లేకపోతే దిగుమతి ఖర్చులు పెరిగే ప్రమాదం ఉంది.ఆర్థిక ప్రభావం బ్లూమ్‌బెర్గ్ నివేదిక ప్రకారం, జులై నుంచి సెప్టెంబర్ వరకు 10 శాతం భారత ఎగుమతులు ఈ టారిఫ్‌ల వల్ల ప్రభావితం కానున్నాయి. ఫిచ్ రేటింగ్స్ భారతదేశ జీడీపీ అంచనాను 6.3 శాతానికి తగ్గించింది. రూపాయి విలువ క్షీణత, ఈక్విటీ మార్కెట్లలో 0.33 శాతం నుంచి 0.75 శాతం వరకు నష్టాలు నమోదయ్యాయి. అయితే, రూపాయి బలహీనత భారత ఉత్పత్తుల ధరల పోటీతత్వాన్ని కొంత మెరుగుపరచవచ్చని నిపుణులు అంటున్నారు.