రసవత్తరంగా భారత్, ఇంగ్లాండ్ ఐదో టెస్ట్‌,,,,కొంపముచ్చిన సిరాజ్

ది ఓవల్ టెస్ట్‌లో ఇంగ్లాండ్ బ్యాటర్లు ధీటుగా బదులిస్తున్నారు. ఈ మ్యాచ్‌లో భారత్.. ఇంగ్లాండ్ ముందు 374 పరుగుల లక్ష్యాన్ని నిలిపింది. అయితే బౌలింగ్‌కు అనుకూలిస్తున్న పిచ్‌పై ఇంగ్లాండ్ బ్యాటర్లు నిలవలేరని అంతా భావించారు. కానీ సొంత అభిమానుల మధ్య ఆతిథ్య జట్టు బ్యాటర్లు అదరగొడుతున్నారు. మూడో రోజు స్కోరు 50/1తో నాలుగో రోజు ఆట ప్రారంభించిన ఇంగ్లాండ్.. నాలుగో రోజు తొలి సెషన్‌లో 114 పరుగులు స్కోరు చేసింది. ఓలీ పోప్, బెన్ డకెట్‌ల వికెట్లు కోల్పోయింది.

బ్రేక్ త్రూ ఇచ్చిన ప్రసిద్ధ్‌..

ఓవర్ నైట్ స్కోరుకు మరో 32 పరుగులు జోడించిన తర్వాత ఇంగ్లాండ్ ఓపెనర్ బెన్ డకెట్ (54) ను ప్రసిద్ధ్ కృష్ణ ఔట్ చేశాడు. స్లిప్‌లో కేఎల్ రాహుల్ పట్టిన అద్భుతమైన క్యాచ్‌కు డకెట్ వెనుదిరిగాడు. జట్టు స్కోరు వంద పరుగులు మార్కు దాటిన తర్వాత ఓలీ పోప్‌ను.. సిరాజ్ వికెట్ల ముందు దొరకబుచ్చుకున్నాడు. దీంతో 106 పరుగులకే ఇంగ్లాండ్.. మూడు వికెట్లు కోల్పోయింది. ఈ సెషన్‌లో ఇంకో రెండు వికెట్లు తీసి.. మ్యాచ్‌పై పట్టు సాధించాలని భావిస్తున్న సమయం అది.

బ్రూక్ కౌంటర్‌ ఎటాక్‌..

ఈ సమయంలో క్రీజులోకి వచ్చిన హ్యారీ బ్రూక్ .. ఎదురుదాడికి దిగాడు. జట్టు స్కోరు బోర్డును పరుగులు పెట్టించడమే లక్ష్యగా ధాటిగా బ్యాటింగ్ చేస్తున్నాడు. అయితే వ్యక్తిగత స్కోరు 25 వద్ద బ్రూక్‌ ఔట్ అయ్యే ప్రమాద నుంచి తప్పించున్నాడు. ప్రసిద్ధ్ బౌలింగ్‌లో బ్రూక్ భారీ షాట్‌కు ప్రయత్నించాడు. బంతి వెళ్లి బౌండరీ లైన్ వద్ద ఫీల్డింగ్ చేస్తున్న మహమ్మద్ సిరాజ్ చేతిలో పడింది. కానీ బౌండరీలైన్‌ ఎక్కడ ఉందో సరిగ్గా అంచనా వేయలేకపోయిన సిరాజ్.. రోప్‌ను తాకేశాడు. దీంతో ఔట్ కావాల్సిన బ్రూక్‌కు.. ఆరు రన్స్ లభించాయి. ఆ తర్వాత అతడు మరింత ధాటిగా బ్యాటింగ్ చేయడం ప్రారంభించాడు. దీంతో స్కోరు బోర్డు పరుగులు పెడుతోంది.

నాలుగో రోజు లంచ్ సమయానికి ఇంగ్లాండ్ స్కోరు.. 164/3 గా ఉంది. ఆ జట్టు విజయానికి ఇంకా.. 210 పరుగులు అవసరం. క్రీజులో హ్యారీ బ్రూక్ (30 బంతుల్లో 38 రన్స్‌), జో రూట్ (46 బంతుల్లో 23 రన్స్) ఉన్నారు. టీమిండియా మరో ఆరు వికెట్లు తీస్తే.. ఈ మ్యాచ్‌లో గెలిచి సిరీస్‌ను 2-2తో సమం చేస్తుంది.