టీమిండియా పేసర్ సిరాజ్కు రాఖీ కట్టిన ఆశా భోస్లే మనవరాలు జనాయ్
sports | Suryaa Desk | Published : Sat, Aug 09, 2025, 09:59 PM_9191.jpg)
టీమిండియా స్టార్ పేసర్, హైదరాబాద్ ఆటగాడు మహమ్మద్ సిరాజ్ మైదానంలో తన ప్రదర్శనతోనే కాకుండా, మైదానం బయట తన వ్యక్తిగత విషయాలతోనూ తరచూ వార్తల్లో నిలుస్తుంటాడు. తాజాగా, ప్రముఖ గాయని ఆశా భోస్లే మనవరాలు జనాయ్ భోస్లేతో కలిసి రాఖీ పండుగను జరుపుకున్నాడు. ఈ వేడుకకు సంబంధించిన వీడియో ఇప్పుడు సోషల్ మీడియాలో వైరల్గా మారింది.గతంలో సిరాజ్, జనాయ్ డేటింగ్లో ఉన్నారంటూ కొన్ని పుకార్లు చక్కర్లు కొట్టాయి. అయితే, ఆ వదంతులకు తెరదించుతూ, తమ మధ్య ఉన్నది అన్నాచెల్లెలి బంధమేనని వారు ఈ రాఖీ పండుగతో స్పష్టం చేశారు. జనాయ్ ఆప్యాయంగా సిరాజ్కు రాఖీ కడుతున్న వీడియోను సిరాజ్ తన ఇన్స్టాగ్రామ్ ఖాతాలో పంచుకున్నారు. ఈ పోస్టుకు నెటిజన్ల నుంచి సానుకూల స్పందన వస్తోంది. సహచర క్రికెటర్ రిషభ్ పంత్ కూడా లవ్ ఎమోజీతో స్పందించి తన శుభాకాంక్షలు తెలిపాడు.ఇటీవల ముగిసిన ఇంగ్లండ్ పర్యటనలో సిరాజ్ అద్భుతమైన ఫామ్ను ప్రదర్శించాడు. మొత్తం 23 వికెట్లు పడగొట్టి, సిరీస్లో అత్యధిక వికెట్లు తీసిన బౌలర్గా నిలిచాడు. స్టార్ పేసర్ జస్ప్రీత్ బుమ్రా కేవలం మూడు టెస్టులకే పరిమితమైన నేపథ్యంలో, సిరాజ్ భారత బౌలింగ్ దాడికి నాయకత్వం వహించాడు. అతని నిలకడైన ప్రదర్శనతో భారత్ సిరీస్ను 2-2తో డ్రా చేసుకోవడంలో కీలక పాత్ర పోషించాడు.
|
|