SBI Home Loan పెంపు.. భారీగా ఖర్చులు పెరుగనున్నాయి!

పండుగ సీజన్‌లో ఇల్లు కొనాలనుకునే కస్టమర్ల కోసం తీవ్ర నిరాశ కలిగించే వార్త రాలేదు. ప్రభుత్వ రంగ బ్యాంకు దిగ్గజం స్టేట్ బ్యాంక్ ఆఫ్ ఇండియా (SBI) గృహ రుణ వడ్డీ రేట్లలో భారీ పెంపుని ప్రకటించింది. భారతీయ రిజర్వ్ బ్యాంక్ (RBI) ఇటీవల ద్రవ్యోల్బణాన్ని నియంత్రించేందుకు రెపో రేటును 5.5%కి తగ్గించి రుణాలను చౌకగా చేయడానికి ప్రయత్నించినప్పటికీ, SBI కొత్త గృహ రుణ కస్టమర్లకు వడ్డీ రేట్లను 0.25% (25 బేసిస్ పాయింట్లు) పెంచింది.ఈ మార్పుతో గరిష్ఠ వడ్డీ రేటు 8.70%కి చేరింది. ఈ పెంపు ముఖ్యంగా తక్కువ క్రెడిట్ స్కోర్ ఉన్న కస్టమర్లపై ఎక్కువగా ప్రభావం చూపిస్తుంది. ప్రత్యేకించి, హోం లోన్ కోసం కొత్తగా దరఖాస్తు చేసుకునే వారికి ఇది ఓ పెద్ద షాక్.గతంలో SBI గృహ రుణ వడ్డీ రేట్లు 7.50% నుండి 8.45% వరకు ఉండేవి, అయితే ఇప్పుడు ఈ పరిధి 7.50% నుంచి 8.70% వరకు పెరిగింది. కనీస వడ్డీ రేటులో మార్పు లేదు. అంటే, మంచి క్రెడిట్ స్కోర్ కలిగిన కస్టమర్లు ఇప్పటికీ 7.50% ప్రారంభ వడ్డీ రేటుతో రుణం పొందవచ్చు, కానీ తక్కువ స్కోర్ ఉన్నవారు ఎక్కువ వడ్డీ చెల్లించాల్సి ఉంటుంది. ఈ నిర్ణయం ఆగస్టు 1 నుంచి అమలులోకి వచ్చింది మరియు కొత్త రుణాదారులకే వర్తిస్తుంది.ప్రస్తుతం, SBI గృహ రుణ వడ్డీ రేట్ల గరిష్ఠ పరిమితి 8.70%కి చేరిపోయింది. ఈ రేట్లు సిబిల్ స్కోరు, ఎక్స్‌టర్నల్ బెంచ్‌మార్క్ లెండింగ్ రేటు (EBLR) ఆధారంగా నిర్ణయించబడతాయి. తక్కువ క్రెడిట్ స్కోర్ ఉన్నవారికి ఇకపై మరింత అధిక వడ్డీ రేట్లు విధించబడే అవకాశముంది. SBI అధికారిక ప్రకటన విడుదల చేయకపోయినా, విశ్వసనీయ వర్గాల సమాచారం ప్రకారం ఈ వడ్డీ పెంపు బ్యాంక్ మార్జిన్ పెంపుపై దృష్టి పెట్టి తీసుకున్న నిర్ణయమని తెలుస్తోంది.ఇంకా, యూనియన్ బ్యాంక్ ఆఫ్ ఇండియా కూడా ఇటీవల తన హోమ్ లోన్ వడ్డీ రేట్లను 7.35% నుంచి 7.45%కి పెంచింది. SBI తాజా నిర్ణయం నేపథ్యంలో ఇతర బ్యాంకులు కూడా తమ వడ్డీ రేట్లను సమీక్షించే అవకాశం ఉంది.