విమాన కాక్‌పిట్‌లో రొమాన్స్..? పైలట్‌ల ప్రేమకథను బయటపెట్టిన ఎయిర్‌హోస్టెస్

సుదీర్ఘ విమాన ప్రయాణాల సందర్భంగా కాక్‌పిట్‌లో జరిగే రహస్య వ్యవహారాలపై ఓ విదేశీ ఎయిర్‌లైన్స్ ఎయిర్‌హోస్టెస్ చేసిన వ్యాఖ్యలు ప్రస్తుతం సోషల్ మీడియాలో వైరల్ అవుతున్నాయి.విమాన ప్రయాణం మధ్యలో కొంతమంది పైలట్లు, సిబ్బంది నిబంధనలను అధిగమించి రొమాన్స్‌కు తావిస్తున్నారని ఆమె సంచలనంగా పేర్కొన్నారు. ఈ విషయాలు ఎయిర్‌లైన్స్ వర్గాలకు తెలిసినప్పటికీ, బహిరంగంగా మీడియా వెలుగులోకి రావడం చాలా అరుదని ఆమె తెలిపారు.సోషల్ మీడియాలో ‘సియేరా మిస్ట్’గా పాపులర్ అయిన ఆ ఎయిర్‌హోస్టెస్, “ఈ రొమాన్స్‌లు సాధారణమైనవి కావు... వీటికి 'హై మైల్ క్లబ్' అనే పేరే పక్కాగా స్థిరపడిపోయింది” అని వ్యాఖ్యానించారు. పైలట్‌లు, ఎయిర్‌క్రూ సభ్యుల మధ్య ఉన్న వ్యక్తిగత ఆకర్షణలు కొన్నిసార్లు విమాన ప్రయాణాల మధ్యే అభివృద్ధి చెందుతాయని ఆమె చెప్పారు. ముఖ్యంగా సుదీర్ఘ అంతర్జాతీయ ఫ్లైట్స్‌లో ఇలాంటి పరిస్థితులు ఎక్కువగా చోటుచేసుకుంటాయని వివరించారు.ఆమె తెలిపిన వివరాల ప్రకారం, పైలట్‌కు సహచర క్రూ సభ్యులను కాక్‌పిట్‌లోకి ఆహ్వానించే అధికారమే ఉంది. సాధారణంగా సహపైలట్ వాష్‌రూమ్‌కు వెళ్లినప్పుడు లేదా తాత్కాలిక సాయం అవసరమైనప్పుడు ఇది చేస్తారు. కానీ కొంతమంది ఈ అవకాశాన్ని వేరే రీతిలో ఉపయోగించుకుంటారని ఆమె ఆరోపించారు. ముందే సంబంధంలో ఉన్న పైలట్-క్రూ జంటలు ఈ రకంగా కాక్‌పిట్‌ను రొమాన్స్‌కు వేదికగా మలచుకుంటారని చెప్పారు. ఈ సమయంలో విమానాన్ని ఆటోపైలట్ మోడ్‌లో ఉంచడం సాధారణమని ఆమె చెప్పుకొచ్చారు.అంతేకాదు, సుదూర ప్రయాణాల విమానాల్లో ఉన్న విశ్రాంతి స్థలాలు (రెస్ట్ డెక్స్) కూడా కొన్నిసార్లు రొమాంటిక్ క్షణాలకు వేదికవుతాయని ఆమె తెలిపారు. ఈ ప్రదేశాలు ప్యాసింజర్లకు కనిపించవని, కేవలం సిబ్బందికే అందుబాటులో ఉంటాయని వివరించారు. ఎత్తైన ఎలివేషన్‌లో, ఆటోపైలట్ మోడ్‌లో విమానం నడుస్తున్న సమయంలో నిరంతర పర్యవేక్షణ అంతగా అవసరం కానప్పుడు ఇలాంటి వ్యవహారాలు జరుగుతాయని ఆమె వివరించారు.ఆమె చేసిన ఈ వ్యాఖ్యలు ప్రస్తుతం సోషల్ మీడియాలో చర్చనీయాంశంగా మారాయి.