"ఏఐతో సగం బ్యాంకు ఉద్యోగాలు గాల్లోకి? బీసీజీ రిపోర్ట్‌లో సంచలన విషయాలు"

కృత్రిమ మేథ (AI) ఈ రోజు ప్రపంచవ్యాప్తంగా అన్ని రంగాలపైనా గణనీయమైన ప్రభావాన్ని చూపుతోంది. ఏఐ వినియోగంతో అనేక పరిశ్రమల్లో కీలకమైన మార్పులు చోటు చేసుకుంటున్నాయి. ప్రత్యేకంగా ఉద్యోగ రంగాన్ని పరిశీలిస్తే — ఉద్యోగాల స్వభావం మార్చిపోతుండడం గానీ, లేదా కొన్ని ఉద్యోగాలు పూర్తిగా అంతరించిపోవడం గానీ కనిపిస్తున్న అంశాలుగా మారాయి.ఈ నేపథ్యంలో, ప్రముఖ అంతర్జాతీయ సలహా సంస్థ బోస్టన్ కన్సల్టెన్సీ గ్రూప్ (BCG) తాజాగా నిర్వహించిన అధ్యయనం ప్రకారం, భారతీయ బ్యాంకింగ్ రంగం కూడా ఏఐ ప్రభావానికి గురికానుందని తేలింది. ముఖ్యంగా, బ్యాంకుల్లో సగం ఉద్యోగాల స్వరూపంలో dramatical మార్పులు చోటు చేసుకోబోతున్నాయని ఈ నివేదికలో పేర్కొంది.ఇప్పటికే దేశవ్యాప్తంగా అనేక రంగాల్లో ఉద్యోగాలపై కృత్రిమ మేథ ప్రభావం స్పష్టంగా కనిపిస్తోంది. ఏఐను ఉపయోగించి సంస్థలు కొన్ని ఉద్యోగాలను తొలగించేందుకు కూడా ప్రయత్నిస్తున్నాయి. ఈ పరిస్థితుల్లో బ్యాంకింగ్ రంగం కూడా ఈ ప్రభావానికి మినహాయింపుకాదు అన్నది బీసీజీ నివేదిక యొక్క ప్రధాన విశ్లేషణ.గత దశాబ్దంలో బ్యాంకులు ఐటీ రంగంలో పెట్టుబడులు భారీగా పెంచినప్పటికీ, ఉత్పాదకతలో మాత్రం ఆశించిన స్థాయిలో పురోగతి లేదని నివేదిక వెల్లడించింది. భారతీయ బ్యాంకులకు వాస్తవ ఉత్పాదకత పెరుగుదల కేవలం 1 శాతానికి పరిమితమైందని అధ్యయనం అంచనా వేసింది. అలాగే, దేశీయ రుణదాతలు అంతర్జాతీయ బ్యాంకులతో పోల్చితే వెనుకబడి ఉన్నారని నివేదిక పేర్కొంది.పరిమితమైన ఉత్పాదకత లాభాలను దాటి వెళ్లాలంటే, బ్యాంకులు ఏఐని సమర్థవంతంగా స్వీకరించాల్సిన అవసరం ఉందని బీసీజీ సూచించింది. ఇప్పటికే కొన్నిరోజులుగా కొన్ని బ్యాంకులు ఏఐ టూల్స్ వినియోగిస్తున్న విషయం కూడా ఇందులో ప్రస్తావించబడింది.ఈ కొత్త సాంకేతికతను ధైర్యంగా స్వీకరించగలిగితే, బ్యాంకుల్లో దాదాపు 35% నుంచి 50% వరకు ఉద్యోగాల్లో మార్పులు చోటు చేసుకునే అవకాశం ఉందని బీసీజీ గ్రూప్ అంచనా వేసింది. ఇదే కాదు, గత కొన్నేళ్లుగా బ్యాంకింగ్ రంగం ఎదుర్కొంటున్న సమస్యలకు కూడా ఏఐ వల్ల పరిష్కార మార్గాలు లభించవచ్చని నివేదిక స్పష్టం చేస్తోంది.ఈ నివేదిక ప్రకటనతో, బ్యాంకింగ్ వర్గాల్లో చర్చలు జోరుగా కొనసాగుతున్నాయి. ఉద్యోగాల రూపురేఖలు మారిన తరువాత, దాని ప్రభావం వినియోగదారులపై కూడా పడే అవకాశం ఉందని నిపుణులు అంచనా వేస్తున్నారు.