ట్రెండింగ్
డొనాల్డ్ ట్రంప్ వైఖరి వెనక బలమైన కారణం ఉంది
international | Suryaa Desk | Published : Mon, Sep 08, 2025, 01:42 PM
భారత్తో అమెరికా సంబంధాలపై అధ్యక్షుడు డొనాల్డ్ ట్రంప్ ఇటీవల మెత్తబడినట్లు కనిపిస్తున్నా, దాని వెనుక బలమైన కారణం ఉందని మాజీ దౌత్యాధికారి కేపీ ఫాబియన్ విశ్లేషించారు. భారత్పై విధించిన వాణిజ్య సుంకాల పేరిట బెదిరింపులు ఆశించిన ఫలితాలను ఇవ్వలేదని ట్రంప్ గ్రహించడం మొదలుపెట్టారని, అందుకే ఆయన స్వరంలో మార్పు వచ్చిందని ఆదివారం ఆయన అభిప్రాయపడ్డారు.రష్యా నుంచి చమురు కొనుగోలు చేస్తున్నందుకు భారత్పై 25 శాతం అదనపు సుంకం విధిస్తామని ట్రంప్ హెచ్చరించిన విషయం తెలిసిందే. అయితే, ఈ బెదిరింపులకు భారత్ లొంగిపోతుందని ఆయన వేసిన అంచనాలు తారుమారయ్యాయని ఫాబియన్ పేర్కొన్నారు. "అమెరికా విధించిన సుంకాలకు సరైన ఆధారాలు లేవు. తన హెచ్చరికలతో భారత్ వెనక్కి తగ్గుతుందని ట్రంప్ భావించారు. కానీ, తన అంచనా తప్పని ఆయన ఇప్పుడు గ్రహించడం ప్రారంభించారు" అని ఫాబియన్ వివరించారు.
|
|