ఇది ఎవరూ ఊహించలేదు! ఓటింగ్ లో సుమన్ శెట్టి దూసుకెళ్తున్నాడేంటి?

బిగ్ బాస్ 9 తెలుగు సీజన్‌లో ఓటింగ్ గ్రాఫ్ ఎప్పుడూ స్థిరంగా ఉండదు. కంటెస్టెంట్ల ప్రవర్తన, ఆటతీరు, హౌస్‌లో చూపించే యాక్టివిటీ బట్టే వారి ఓటింగ్ స్థాయిలో మార్పులు చోటుచేసుకుంటుంటాయి.తక్కువ హైలైట్ అయిన కంటెస్టెంట్స్ కూడా ఒక్కసారిగా ఓటింగ్‌లో దూసుకొచ్చే సందర్భాలు ఇప్పటికే చాలాసార్లు చూశాం. అచ్చం అలాగే ఇప్పుడు సుమన్ శెట్టి విషయంలో జరిగింది.హౌస్‌లో ఎంట్రీ ఇచ్చిన మొదటి రోజుల్లో సుమన్ శెట్టి చాలా సైలెంట్‌గా ఉండేవాడు. ఎవ్వరితోనూ ఎక్కువగా మాట్లాడకుండా, తనదైన స్టైల్‌లో ఓ పక్కనుండే పాత్ర వేశాడు. ఆయన ఉన్నారా లేరా అనే స్థాయిలో ఉన్నా, ఆడియన్స్ మైండ్‌లో మాత్రం ముద్ర వేయలేకపోయాడు.ఈ వారం నామినేషన్స్‌లో ఆయన పేరు ఉంటే తప్పకుండా ఎలిమినేట్ అవుతాడని అనుకున్నారు చాలామంది. కానీ అందరికీ షాక్ ఇచ్చేలా, సోషల్ మీడియా ఓటింగ్‌లో సుమన్ శెట్టి ప్రస్తుతం రెండవ స్థానంలో ఉన్నాడు!మొదటి స్థానంలో తనూజ కొనసాగుతుండగా, సుమన్ శెట్టికి భారీగా ఓట్లు రావడం వెనుక కొన్ని స్పష్టమైన కారణాలు ఉన్నాయి. ఒకప్పుడు టాలీవుడ్‌లో టాప్ కమెడియన్‌గా వెలుగెత్తిన ఆయనకు ఇంకా ప్రేక్షకుల్లో మంచి క్రేజ్ ఉంది. ఆ కనెక్షన్ ఇప్పుడు ఓట్లుగా మారింది.మరియు హౌస్‌లోని చిన్న చిన్న చర్యలు – సంజన గల్రానికి సైలెంట్ కౌంటర్ ఇవ్వడం, వాష్‌రూమ్‌లో చిన్న పిల్లలా రూమ్ స్ప్రే ఆడటం, టాస్క్‌లో ఫ్లోరా షైనీని ఓడించి సుత్తిని చేజిక్కించుకోవడం వంటి సందర్భాలు ఆయన పాత్రను హైలైట్ చేశాయి. వీటితో పాటు ఆయన మృదువైన ప్రవర్తన కూడా ప్రేక్షకులను ఆకట్టుకుంది.ఇదిలా ఉండగా, మొదటి రోజు నుంచే హౌస్‌మేట్స్‌తో పాటు ప్రేక్షకులను కూడా ఇబ్బంది పెట్టిన కంటెస్టెంట్ సంజన గల్రాని. ఆమెపై చాలామందికి నెగటివ్ ఫీలింగ్ ఉన్నా, ఈ వారం మాత్రం ఆమె ఎలిమినేట్ కావడం లేదు. సోషల్ మీడియా ఓటింగ్ బాగానే వచ్చింది.ప్రస్తుతం డేంజర్ జోన్‌లో ఉన్నవారు శ్రేష్టి వర్మ. ఆమె ఓట్ల పరంగా చివరి స్థానంలో ఉంది. ఆమె ముందు ఫ్లోరా షైనీ ఉన్నప్పటికీ, ఎలిమినేషన్‌కు ఎక్కువ ఛాన్స్ శ్రేష్టికే ఉంది.ఇమ్మానుయేల్ ఈ వారం మూడవ స్థానంలో కొనసాగుతున్నాడు. అయితే వచ్చే రోజుల్లో ఆటతీరు బట్టి ఓటింగ్ గ్రాఫ్ మళ్లీ మారే అవకాశం ఉంది.