తల్లీకూతుళ్లతో యూట్యూబర్ సహజీవనం.. మరోసారి వైరల్ అవుతోన్న నిక్

సామాజిక మాధ్యమాల ప్రభావం పెరిగిన తర్వాత ప్రపంచంలో ఎన్నో విచిత్రమైన విషయాలు వెలుగులోకి వస్తున్నాయి. ఒక యూట్యూబర్ తన బంధం గురించి కొద్ది నెలల కిందట చేసిన ప్రకటన మరోసారి వైరల్ అవుతోంది. 29 ఏళ్ల నిక్ యార్డీ అనే యూట్యూబర్.. తాను తల్లీకూతుళ్లతో రెండేళ్లుగా రిలేషన్‌షిప్‌లో ఉన్నట్టు ఈ ఏడాది మార్చిలో వెల్లడించాడు. మహిళ, ఆమె కుమార్తెతో ఏకకాలంలోనే సంబంధం కొనసాగించినట్టు చెప్పుకొచ్చాడు. మేము ముగ్గురుం చక్కగా కలిసుంటున్నట్లు కూడా వివరించాడు. అంతేకాదు, వారు ఇరువురూ గర్భవతులని.. వారికి పుట్టబోయే పిల్లలిద్దరికీ తానే తండ్రినని చెప్పుకొచ్చాడు. ఈ వార్త మరోసారి సోషల్ మీడియాలో వైరల్‌గా మారింది.

కొన్ని రోజుల క్రితమే క్రితం నిక్ యార్డీ ఇందుకు సంబంధించిన ఓ వీడియోను సోషల్ మీడియాలో పోస్ట్ చేశాడు. దీంతో ఇది కాస్తా తెగ వైరల్ అయిపోయింది. ప్రపంచ వ్యాప్తంగా ఉన్న నెటిజెన్లు అంతా దీనిపై ఒక్కో విధంగా స్పందిస్తున్నారు. ముఖ్యంగా యూట్యూబర్ నిక్ యార్డీ.. తాను డేటింగ్ చేస్తున్న తల్లీకుమార్తెలిద్దరూ తన పిల్లలకు జన్మనివ్వబోతున్నారని ప్రకటించాడు. ఈ వీడియోపై భారీగా విమర్శలు రావడంతో.. తర్వాత అది కేవలం వ్యూస్ కోసం చేసిన ఒక స్కిట్ మాత్రమేనని ఒప్పుకున్నాడు. అయినప్పటికీ.. ఈ ఒక్క వీడియోతో మొత్తం ప్రపంచం దృష్టినే తనవైపు తిప్పుకున్నాడు.

నిక్ యార్డీకి ఒక్క యూట్యూబ్‌లోనే 3.4 మిలియన్ల సబ్‌స్క్రైబర్లు ఉన్నారు. ఈ స్కిట్‌లతో పాటు ఓన్లీఫ్యాన్స్ క్రియేటర్లతో కలిసి వీడియోలు చేస్తూ మంచి ఫాలోయింగ్ సంపాదించుకున్నాడు. నిక్‌తో సంబంధం కొనసాగిస్తున్న కూతురి పేరు జేడ్. ప్రస్తుతం ఆమె వయసు 22 ఏళ్లు కాగా.. ఆమె ఓన్లీఫ్యాన్స్ కంటెంట్ క్రియేటర్. ఈ మాధ్యమం ద్వారా వచ్చిన ఆదాయంతో ఆమె ఫ్లోరిడాలో ఒక రెస్టారెంట్ కూడా కొనుగోలు చేసిందని తెలుస్తోంది. ఇక జేడ్ తల్లి పేరు డాని (44). ఆమె లైఫ్ కోచ్‌గా పని చేస్తున్నారు. ఈ ముగ్గురి మధ్య బంధం చాలా ప్రత్యేకమైనదని నిక్ యార్డీ చెబుతున్నాడు. ఈ బంధం విషయంలో జేడ్, డానిల మధ్య ఎలాంటి అసూయ లేదని, వాళ్లిద్దరూ తనను పంచుకోవడానికి అంగీకరించారని నిక్ వివరించాడు. ఇలాంటి బంధాలు ఉన్నాయని ప్రపంచానికి తెలియజేయడం కోసమే ఈ విషయాలను బయటపెట్టినట్లు నిక్ వివరించాడు.

తల్లి, కూతురితో ఒకే వ్యక్తికి ఉన్న ఈ బంధంపై విమర్శలు గుప్పించారు. ముఖ్యంగా సాంప్రదాయ విలువలను గౌరవించే వారు ఈ బంధం సంఘ విద్రోహ చర్య అని, సమాజానికి మంచి సందేశం ఇవ్వదని వాదిస్తున్నారు. అయితే, కొందరు మాత్రం కాలంతో పాటు మారుతున్న సమాజంలో ఇది కూడా ఒక భాగమేనని, వ్యక్తులు తమ ఇష్టప్రకారం జీవించే హక్కు వారికి ఉంటుందని మరికొందరు సమర్థిస్తున్నారు. అయితే ఈ బంధం చుట్టూ ఉన్న గందరగోళానికి జైలు జీవితం గడిపిన నిక్ గతం కూడా ఒక కారణం. జమైకాలో జన్మించిన నిక్. సోషల్ మీడియా ప్రపంచంలోకి అడుగుపెట్టక ముందు గంజాయి సంబంధిత కేసులో ఒక సంవత్సరం జైలు శిక్ష అనుభవించాడు.

ఈ అసాధారణ బంధంతో పాటు భవిష్యత్తులో తనకు పిల్లలు పుట్టే అవకాశం ఉందని నిక్ యార్డీ పరోక్షంగా చెప్పాడు. “ఇంకా సమయం ఉంది” అని మాత్రమే చెప్పి, తన బంధంపై ఉన్న ఆసక్తిని మరింత పెంచాడు. ఈ బంధం నిజమా లేదా కేవలం పబ్లిసిటీ కోసమే ఇదంతా చేస్తున్నారా అనే అనుమానాలు కూడా వ్యక్తం అవుతున్నాయి. అయితే ఈ ముగ్గురు పబ్లిక్‌గా తమ బంధాన్ని అంగీకరించడం, ఎటువంటి భేషజాలు లేకుండా కలిసి కనిపిస్తుండడం ఈ కథనాన్ని మరింత ఆసక్తికరంగా మార్చింది. ఈ వ్యవహారం భవిష్యత్తులో ఎలాంటి మలుపులు తిరుగుతుందో చూడాలి.