ఏపీపై బీజేపీ ప్రత్యేక దృష్టి.. కూటమి వ్యూహాలకు మోదీ పర్యటనతో ఊపు

ఆంధ్రప్రదేశ్ రాష్ట్ర రాజకీయాల్లో వేడి పెరిగింది. కేంద్రంలో అధికారంలో ఉన్న ఎన్డీఏ కూటమి, రాష్ట్రంలో బలాన్ని పెంచుకునేందుకు సన్నాహాలు చేస్తోంది. ఇటీవల ఏర్పడిన టీడీపీ, జనసేన, బీజేపీ కూటమి ప్రభుత్వం, పాలనలో మార్పులు తేవడమే కాకుండా, రాజకీయ వ్యూహాల్లోనూ కొత్త దిశగా అడుగులు వేస్తోంది. ఈ కూటమి వ్యూహాలకు ప్రజల్లో మద్దతు పెరగడంతో, రాజకీయ సమీకరణాలు మరింత ఆసక్తికరంగా మారుతున్నాయి.
ప్రభుత్వంపై విమర్శలు కొనసాగిస్తున్న వైఎస్సార్ కాంగ్రెస్ పార్టీ, తిరిగి అధికారంలోకి రావాలని మళ్లీ పోరుబాట ఎక్కింది. జగన్ మోహన్ రెడ్డి నేతృత్వంలోని వైసీపీ, కూటమి ప్రభుత్వాన్ని టార్గెట్ చేస్తూ మళ్లీ పునర్నిర్మాణ పథకాలు, సంక్షేమ వాగ్దానాలతో ప్రజల్లోకి వెళ్లేందుకు సిద్దమవుతోంది. ప్రజల్లో విశ్వాసం పొందేందుకు వైసీపీ చేపట్టే కార్యక్రమాలు, ప్రభుత్వానికి ఎదురుతిరుగులా మారే అవకాశం ఉంది.
ఈ నేపథ్యంలోనే ప్రధాని నరేంద్ర మోదీ రాయలసీమ పర్యటనపై అంచనాలు పెరిగాయి. మోదీ పర్యటనతో రాష్ట్రంలో బీజేపీ కార్యకర్తలకు ఉత్సాహం పెరగనుండగా, ఎన్డీఏ కూటమిలో భాగమైన పార్టీలు కీలక వ్యూహాలు రచించేందుకు సిద్ధమయ్యాయి. ప్రధాని పర్యటనను కేంద్రంగా చేసుకుని రాష్ట్రంలో తమ బలాన్ని చాటేందుకు కూటమి నాయకత్వం రంగంలోకి దిగింది.
రాయలసీమ ప్రాంతంలో జరిగే ప్రధాన కార్యాక్రమాల ద్వారా, ప్రధాని మోదీ ప్రజలతో నేరుగా మమేకమవనున్నారు. బీజేపీ రాష్ట్ర నాయకత్వం ప్రత్యేకంగా పర్యటన ఏర్పాట్లపై దృష్టిసారించింది. ప్రధాని సందేశాలు, అభివృద్ధి ప్రణాళికలు, మరియు కూటమి భాగస్వామ్యంపై వచ్చే ప్రకటనలు, రాష్ట్ర రాజకీయలపై ప్రభావం చూపే అవకాశం ఉంది. మోదీ పర్యటన అనంతరం, రాష్ట్ర రాజకీయ సమీకరణాలు మరింత వేగంగా మారే సూచనలు కనిపిస్తున్నాయి.