రెగ్యులేటరీ అధికారులు జాన్సన్ & జాన్సన్‌పై రూ.8 వేల కోట్లు జరిమానా విధించారు

ప్రపంచ ప్రసిద్ధ ఔషధ మరియు వ్యక్తిగత సంరక్షణ ఉత్పత్తుల సంస్థ జాన్సన్ & జాన్సన్ (Johnson & Johnson)పై అమెరికా కోర్టు కఠిన తీర్పును విడుదల చేసింది.టాల్కమ్ పౌడర్ వాడిన కారణంగా మెసోథెలియోమా అనే అరుదైన క్యాన్సర్ బారినపడి మరణించిన 88 ఏళ్ల మే మూర్ కేసులో, కంపెనీ నిర్లక్ష్యం చూపినట్టు కోర్టు నిర్ధారించింది. ఫలితంగా, కంపెనీపై $966 మిలియన్ల (సుమారు రూ.8,000 కోట్లు) భారీ పరిహారం విధించబడింది. ఈ తీర్పు ప్రపంచ వ్యాప్తంగా పెద్ద చర్చకు కారణమైంది.కోర్టు వివరాల ప్రకారం, మే మూర్ అనేక సంవత్సరాల పాటు జాన్సన్ & జాన్సన్ టాల్కమ్ పౌడర్ వాడింది. ఇందులో అస్బెస్టాస్ అనే హానికర రసాయనం ఉండటం వల్ల ఆమె మెసోథెలియోమా అనే ఊపిరితిత్తుల క్యాన్సర్ బారినపడ్డట్లు తేలింది. బాధితురాలి కుటుంబం 2021లో కేసు వేచి న్యాయం కోరగా, సుమారు మూడు సంవత్సరాల విచారణ అనంతరం ఈ తీర్పు వచ్చింది. కోర్టు కంపెనీ సురక్షితత ప్రమాణాలు పాటించలేదని, వినియోగదారులను తప్పుదిశగా నడిపిందని వ్యాఖ్యానించింది.కానీ, ఈ తీర్పును జాన్సన్ & జాన్సన్ అంగీకరించలేదు. వారు నిర్దోషులమని, శాస్త్రీయంగా టాల్కమ్ పౌడర్‌లో హానికర పదార్థాలున్నట్టు నిర్ధారణ లేనని, అప్పీల్ దాఖలు చేస్తామని ప్రకటించారు. ఇప్పటికే ప్రపంచవ్యాప్తంగా ఈ కంపెనీపై 63 వేలకుపైగా కేసులు నమోదైనవి. న్యాయవేత్తలు ఈ తీర్పు మిగతా కేసులపై కూడా ప్రభావం చూపే అవకాశం ఉందని భావిస్తున్నారు. వినియోగదారుల భద్రత విషయంలో పెద్ద కంపెనీలు నిర్లక్ష్యం ప్రదర్శిస్తే కలిగే పరిణామాలు ఈ కేసు ద్వారా మరింత స్పష్టమయ్యాయని విశ్లేషకులు అభిప్రాయపడుతున్నారు.