BB9: డబుల్ ఎలిమినేషన్ – ఎవరు బయట, ఎవరు గేమ్‌లో నిలిచారు?

బిగ్ బాస్ తెలుగు 9 ఐదవ వారంలోకి అడుగుపెట్టి, రోజురోజుకు నాటకీయ పరిణామాలతో ప్రేక్షకులను ఆకట్టుకుంటోంది. ఈ సీజన్‌లో సామాన్యులను చేర్చడం, ‘ఓనర్స్ వర్సెస్ టెనెంట్స్’ ఫార్మాట్ వంటి కొత్త అంశాలు షోలో ఉత్సాహాన్ని మరింత పెంచాయి.ఈ వారం ఎలిమినేషన్ ప్రక్రియలో ఏకంగా 10 మంది కంటెస్టెంట్లు నామినేట్ కావడం, ప్రేక్షకులలో తీవ్ర ఉత్కంఠను రేపింది. ఈ సీజన్‌లో మొదటిసారిగా రికార్డు స్థాయిలో 10 మంది పోటీదారులు ఎలిమినేషన్ ముంగిట నిలిచారు. నామినేట్ అయిన వారిలో రీతు చౌదరి, డెమన్ పవన్, ఫ్లోరా సైని, భరణి శంకర్, సుమన్ శెట్టి, తనూజ్ గౌడ, సంజన గల్రాని, శ్రీజ దమ్ము, దివ్య నిఖిత, కళ్యాణ్ పడాల ఉన్నారు.వైల్డ్ కార్డ్ ద్వారా ఇంట్లోకి అడుగుపెట్టిన దివ్య నిఖిత కూడా నామినేషన్లలో ఉండటం గమనార్హం. ఒకేసారి ఇంతమంది ఎలిమినేట్‌ అవ్వడానికి నామినేట్ కావడం, ప్రేక్షకుల్లో చర్చనీయాంశంగా మారింది.సెలబ్రిటీల ముందు సామాన్యుల పోరాటం ‘అగ్నిపరీక్ష’ ద్వారా ఇంట్లోకి ఎంపికైన ఆరుగురు సామాన్యులు, సెలబ్రిటీలకు గట్టిపోటీ ఇవ్వడం సవాలుగా మారింది. ఇప్పటికే షో నుండి ఎలిమినేట్ అయిన నలుగురు కంటెస్టెంట్లలో శ్రష్టి వర్మ మినహాయించి, మర్యాద మనీష్, ప్రియా శెట్టి, హరిత హరీష్ కామనర్స్ ఉన్నారు.ఇప్పటికే పెద్ద సంఖ్యలో నామినేషన్లు రావడంతో, ఈ వారం ఎవరు బయటకు వెళ్తారన్న విషయంపై ఆసక్తి పెరిగింది. బిగ్ బాస్ లీక్స్ ప్రకారం, ఈ వారం డబుల్ ఎలిమినేషన్ జరిగే అవకాశం ఉంది. ఇందులో భాగంగా, నామినేట్ అయిన వారిలో ఒకరైన ఫ్లోరా సైని ఎలిమినేట్ అవ్వడం దాదాపు ఖాయమని తెలుస్తోంది. రెండో ఎలిమినేట్ అయ్యే కంటెస్టెంట్ ఎవరనే విషయంపై ఇంకా స్పష్టత రావాల్సి ఉంది.