ట్రెండింగ్
రెండో వన్డేలోనూ నిరాశపరచిన కోహ్లీ
sports | Suryaa Desk | Published : Thu, Oct 23, 2025, 02:23 PM
విరాట్ కోహ్లీ పేలవ ఫామ్ను కొనసాగిస్తున్నాడు. ఆస్ట్రేలియాతో అడిలైడ్ వేదికగా జరుగుతున్న రెండో వన్డేలోనూ పరుగుల ఖాతా తెరవకుండానే పెవిలియన్ చేరాడు. వన్ డౌన్గా క్రీజులోకి వచ్చిన కోహ్లీ, కేవలం నాలుగు బంతులు మాత్రమే ఎదుర్కొని డకౌట్గా వెనుదిరిగాడు. ఈ సిరీస్లో కోహ్లీ సున్నాకే ఔటవడం ఇది వరుసగా రెండోసారి కావడం గమనార్హం. ఆసీస్ బౌలర్ జేవియర్ బార్ట్లెట్ వేసిన ఇన్నింగ్స్ ఏడో ఓవర్లో విరాట్ ఇలా సున్నాకే పెవిలియన్ చేరాడు. బార్ట్లెట్ విసిరిన బంతికి కోహ్లీ వికెట్ల ముందు (ఎల్బీడబ్ల్యూగా) దొరికిపోయాడు. బంతి నేరుగా వికెట్లను తాకేలా ఉండటంతో కోహ్లీ రివ్యూ కూడా తీసుకోకుండా నిరాశగా మైదానాన్ని వీడాడు. పెర్త్లో జరిగిన తొలి వన్డేలోనూ కోహ్లీ డకౌట్ అయిన విషయం తెలిసిందే. తనకు బాగా అచ్చొచ్చిన అడిలైడ్ మైదానంలో కూడా విఫలమవడం అభిమానులను కలవరానికి గురిచేసింది.
|
|