ట్రెండింగ్
కాశీబుగ్గలో తక్షణ సహాయక చర్యలు చేపట్టాలని అధికారులకి ఆదేశాలు జారీచేసిన లోకేష్
Andhra Pradesh Telugu | Suryaa Desk | Published : Sat, Nov 01, 2025, 02:50 PM
శ్రీకాకుళం జిల్లా కాశీబుగ్గలోని వెంకటేశ్వర స్వామి ఆలయంలో ఏకాదశి పర్వదినాన తీవ్ర విషాదం చోటుచేసుకుంది. భక్తుల రద్దీ కారణంగా జరిగిన తొక్కిసలాటలో పలువురు మృతి చెందగా, మరికొందరు గాయపడ్డారు. ఈ దురదృష్టకర ఘటనపై రాష్ట్ర మంత్రి నారా లోకేశ్ తీవ్ర దిగ్భ్రాంతి వ్యక్తం చేశారు. ఏకాదశి రోజున ఇలాంటి ఘోరం జరగడం అత్యంత బాధాకరమని అన్నారు. ఈ ఘటన గురించి తెలిసిన వెంటనే తాను జిల్లా మంత్రి అచ్చెన్నాయుడు, స్థానిక ఎమ్మెల్యే గౌతు శిరీషతో ఫోన్లో మాట్లాడినట్లు లోకేశ్ తెలిపారు. బాధితులకు తక్షణమే సహాయక చర్యలు చేపట్టాలని, క్షతగాత్రులకు మెరుగైన వైద్యం అందించాలని అధికారులను ఆదేశించినట్లు ఆయన వెల్లడించారు. ప్రభుత్వం బాధితులకు అండగా నిలుస్తుందని, గాయపడిన వారికి అన్ని విధాలా నాణ్యమైన చికిత్స అందిస్తున్నామని స్పష్టం చేశారు.
|
|