పడుకునేటప్పుడు సాక్స్ వేసుకుని పడుకుంటే,,,, ప్రాబ్లమ్స్ అన్నీ దూరం

పడుకునే ముందు పాదాలకి సాక్స్‌లు వేసుకుని పడుకోవడం వల్ల మంచి నిద్ర మీ సొంతమవుతుంది. ఎవరైనా నిద్ర సమస్యలతో బాధపడుతున్నవారు ఓ సారి ఇలా సాక్స్‌లు వేసుకుని చూడండని సలహా ఇస్తున్నారు డాక్టర్ సేథి. ఆయన యూట్యూబ్ వీడియో ద్వారా ఈ విషయాన్ని చెబుతున్నారు. రాత్రుళ్ళు పడుకునే ముందు పాదాలని చక్కగా క్లీన్ చేసి తడి మొత్తం ఆరిపోయాక మంచి మాయిశ్చరైజర్ రాసి ఆ తర్వాత పాదాలకి సాక్సులు వేసుకుని పడుకుంటే మంచి నిద్ర పడుతుందని చెబుతున్నారు. దీని వెనుక కారణాలు ఏమున్నాయో తెలుసుకోండి.

ఎలా పనిచేస్తుంది

పడుకునే ముందు పాదాలకి సాక్స్‌ వేసుకుని పడుకోవడం వల్ల స్లీప్ క్వాలిటీ పెరుగుతుంది. పాదాలు వెచ్చగా ఉన్నప్పుడు రక్తనాళాలు వ్యాకోచిస్తాయి. ఇది మెరుగైన ప్రసరణకి, విశ్రాంతిని ప్రోత్సహిస్తాయి. కాబట్టి, మీరు సాక్స్ వేసుకుని పడుకుంటే మంచి నిద్రని మీరు పొందుతారని చెబుతున్నారు హెల్త్ ఎక్స్‌పర్ట్స్. అంతేకాదు, దీని వల్ల మరిన్నీ లాభాలు కూడా ఉన్నాయి. అవి.

చలి ఉండదు

కొంతమందికి విపరీతమైన చలి ఉంటుంది. అది చలికాలమైనా, వర్షాకాలమైనా ఏ కాలమైనా కూడా చలి ఎక్కువగానే ఉంటుంది. అలాంటి వారు పాదాలను కవర్ చేయడానికి సాక్స్‌లు వేసుకోవడం అలవాటు చేసుకోండి. దీంతో చలి నుండి పాదాలనే కాదు, బాడీని కూడా కాపాడుకోవచ్చు. దీంతో హ్యాపీగా నిద్రపడుతుంది.

పగలకుండా

కొంతమందికి ఏ కాలమైన పాదాలు పగులుతుంటాయి. దీనికి కారణం మడమలు, పాదాలకి తేమ తగలడం. అయితే, పాదాలకి సాక్సులు వేసుకోవడం వల్ల ఆ సమస్య ఉండదు. పాదాలు చక్కగా ఉంటాయి. మడమలు కూడా పగలకుండా ఉంటాయి. పాదాల పగుళ్ళతో బాధపడేవారు దీనిని ట్రై చేస్తే ఈ సమస్య ఉండదు.

నొప్పులు 

పాదాల వాపు, నొప్పులతో బాధపడేవారికి కూడా ఈ సాక్సులు చక్కగా హెల్ప్ చేస్తుంది. దీని వల్ల పాదాల వాపు, నొప్పి తగ్గుతుంది. సాక్స్‌లు వేసుకోవడం వల్ల బాడీ టెంపరేచర్ బ్యాలెన్స్‌గా ఉంటుంది. అంతేకాదు, పాదాలకి ఏవైనా ఇన్ఫెక్షన్స్ వస్తే అవి రాకుండా ఉంటాయి. ఇంట్లో వేసుకుంటే నేలపై ఉన్న చల్లదనం పాదాలకి తగలకుండా ఉంటుంది.

అందమైన పాదాలు

చాలా మందికి బాడీ మొత్తం అందంగా ఉండి పాదాలు మాత్రం అందవిహీనంగా ఉంటాయి. అలాంటప్పుడు రెగ్యులర్‌గా పాదాలకి సాక్స్ వేసుకుని చూడండి. దీంతో పాదాలు కూడా అందంగా మారతాయి. చూడ్డానికి చక్కగా ఉంటాయి. కోమలమైన పాదాలు మీ సొంతమవుతాయి.