వీటితో్ హెయిర్ డై తయారుచేసి రాస్తే నేచురల్గానే నల్లగా
Life style | Suryaa Desk | Published : Fri, Nov 07, 2025, 10:38 PM
ఇప్పుడున్న పరిస్థితుల్లో జుట్టుని నల్లగా మార్చుకోవడం కష్టంగానే మారింది. ఒత్తిడి పెరగడం, సరైన కేర్ తీసుకోకపోవడం వంటి ఇతర కారణాలు 20 ఏళ్ళు ఉన్నవారికి కూడా జుట్టు తెల్లబడుతోంది. జుట్టు తెల్లగా మారితే చూడ్డానికి అస్సలు బాగోదు. పెద్దవారిలా కనిపిస్తారు. కానీ, ఇప్పుడు పొల్యూషన్, కెమికల్ ప్రోడక్ట్స్, పని ఒత్తిడి ఇతర కారణాల వల్ల చిన్న వయసులోనే చాలా మంది తెల్లజుట్టుతో బాధపడుతుంటారు. అలాంటి వారు తెల్ల జుట్టుని కవర్ చేయడానికి కలర్స్, డైలు వాడడం చేస్తున్నారు.అయితే, ఇది ఇన్స్టంట్గా ప్రాబ్లమ్ని సాల్వ్ చేసినప్పటికీ జుట్టుని పాడు చేస్తుంది. ఇందులోని కెమికల్స్ కారణంగా ఇతర హెయిర్ ప్రాబ్లమ్స్ కూడా వస్తాయి. వీటన్నింటిని తగ్గించి జుట్టు నేచురల్గానే నల్లగా కనిపించేందుకు కొన్ని ఇంటి చిట్కాలు హెల్ప్ చేస్తాయి. కొన్ని పదార్థాలతో ఇంట్లోనే చక్కని హెయిర్ డైని తయారుచేయొచ్చు. దీనిని వాడడం వల్ల జుట్టు నేచురల్గానే నల్లగా మారుతుంది. పైగా డై కంటె ఎక్కువ రోజులు రంగు అలానే ఉంటుంది. దీనిని గనుక కంటిన్యూ చేస్తే జుట్టు రంగు చీకటి కంటే నల్లగా అందంగా కనిపిస్తుంది. మరి దీని తయారీకి కావాల్సిన పదార్థాలు, తయారీ విధానం ఏంటో తెలుసుకోండి.
కావాల్సిన పదార్థాలు
కాఫీ గింజల పొడి
కలోంజి సీడ్స్
బ్లాక్ సీడ్ ఆయిల్
ఏం చేయాలి?
ముందుగా కాఫీ గింజల పొడిని బ్లెండర్లో తీసుకోవాలి. ఇందులోనే కలోంజి సీడ్స్ వేయాలి. ఇందులోనే బ్లాక్ సీడ్ ఆయిల్ వేయాలి. వీటన్నింటినీ మెత్తగా బ్లెండ్ చేయాలి. దీనిని పొడి జుట్టుకి మొత్తం అప్లై చేయాలి. ఈ నేచురల్ మిక్స్ జుట్టు లోతుగా నల్లని మెరుపుని ఇస్తుంది. హార్ష్ కెమికల్ డైలు వాడకుండానే తలని, జుట్టుకి పోషణని అందిస్తుంది.
ఎలా పనిచేస్తుంది?
కాఫీ గింజల్లో సహజంగానే రిచ్ బ్రౌన్ బ్లాక్ రంగుతో జుట్టుని నల్లగా చేస్తాయి.
ఇక కలోంజి గింజల్లో యాంటీ ఆక్సిడెంట్స్ పుష్కలంగా ఉంటాయి. ఇవి జుట్టుని బలంగా చేసి సన్నబడడాన్ని తగ్గిస్తాయి.
బ్లాక్ సీడ్ ఆయిల్ జుట్టుని కుదుళ్ళ నుంచి పోషణని అందించి జుట్టుని మెరిసేలా చేస్తాయి. ఈ మూడింటి కాంబినేషన్ జుట్టుని నల్లగా మార్చడంలో హెల్ప్ చేస్తాయి.
కెమికల్స్ వాడకుండా
ఇప్పుడు చెప్పిన పదార్థాలన్నీ కూడా మనకి ఇంట్లో అందుబాటులో ఉండే పదార్థాలే. ఇవన్నీ కూడా మన జుట్టుని నల్లగా అందంగా మారుస్తాయి. జుట్టుని తెల్లగా మారకుండా అందంగా మారేలా చేస్తాయి. కెమికల్ ఫ్రీ అయిన ఈ హెయిర్ డై జుట్టుకి చాలా రకాలుగా మేలు చేస్తుంది. పైగా జుట్టు పాడవ్వకుండా చేస్తుంది. దీనిని రెగ్యులర్గా వాడడం వల్ల జుట్టు నేచురల్గా నల్లగా మారడమే కాకుండా అందంగా, బలంగా మారుతుంది.
జుట్టు నేచురల్గా నల్లగా మారేందుకు టిప్స్
వీటితో పాటు
ఒత్తిడిని తగ్గించుకోవాలి. ఒత్తిడి కారణంగానే జుట్టు తెల్లబడుతుంది.
నీటినికి ఎక్కువగా తీసుకోవాలి. దీంతో జుట్టుకి హైడ్రేషన్ అందుతుంది.
కెమికల్ ప్రోడక్ట్స్, కలర్స్, హీట్ ట్రీట్మెంట్స్ని తగ్గించాలి.
పొల్యూషన్, ఎండలో తిరిగినప్పుడు జుట్టుని కవర్ చేయాలి.
సరైన కేర్ మెంటెయిన్ చేయాలి.
వారానికోసారైనా ఆయిల్తో మసాజ్ చేయాలి.
ఇలాంటి కొన్ని జాగ్రత్తలు తీసుకుంటే చాలా వరకూ జుట్టు తెల్లబడడం వంటి సమస్యలు తగ్గి నేచురల్గానే నల్లగా మారుతుంది.
|
|