చరిత్రను మార్చిన సామ్రాట్ రాణా – ఆ విజయం గుర్తుండిపోదు

ఈజిప్టు రాజధాని కైరోలో జరుగుతున్న ISSF వరల్డ్ చాంపియన్‌షిప్‌లో భారత షూటర్ సామ్రాట్ రాణా మరో గొప్ప విజయం సాధించాడు. 22 ఏళ్ల సామ్రాట్ రాణా పురుషుల 10 మీటర్ల ఎయిర్ పిస్టల్ విభాగంలో 243.7 స్కోర్‌తో స్వర్ణ పతకం గెలుచుకున్నాడు.అందులోనూ, ఈ విభాగంలో ప్రపంచ చాంపియన్‌షిప్ టైటిల్ గెలిచిన మొదటి భారతీయుడిగా చరిత్రలో తన పేరు నమోదయింది.ఫైనల్లో రాణా చైనా షూటర్ హూ కైపై0.4 పాయింట్ల తేడాతో గెలిచాడు. ఈ ఈవెంట్‌లో మరో భారత షూటర్ వరుణ్ తోమార్ కాంస్య పతకం సాధించి, భారత్‌కు డబుల్ పోడియం సాధనలో కీలక పాత్ర వహించాడు.తద్వారా, పురుషుల 10 మీటర్ల ఎయిర్ పిస్టల్ టీమ్ విభాగంలో రాణా, వరుణ్ తోమార్, షర్వన్ కుమార్‌లు కలిసి స్వర్ణ పతకం సాధించారు.ఐదో భారతీయుడిగా చేరిన రాణా.10 మీటర్ల ఎయిర్ పిస్టల్ సింగిల్స్ విభాగంలో గోల్డ్ సాధించడంతో, రాణా ఒలింపిక్ చాంపియన్‌లు అభినవ్ బింద్రా, రుద్రాంక్ష్ పాటిల్, తేజస్విని సావంత్‌, శివ నర్వాల్, ఈషా సింగ్ (మిక్స్‌డ్ టీమ్) సరసన ఐదో భారతీయుడిగా చరిత్రలో నిలిచాడు.మను బాకర్ నిరాశ పరచడం.స్టార్ షూటర్ మను బాకర్ వ్యక్తిగత విభాగంలో ఆశించిన ఫలితం ఇవ్వలేకపోయినా, టీమ్ ఈవెంట్‌లో సిల్వర్ మెడల్ సాధించాడు. ఈషా సింగ్, సురుచి సింగ్‌లతో కలిసి వుమెన్స్ టీమ్ కూడా సిల్వర్ గెలుచుకుంది.పురుషుల 10 మీటర్ల ఎయిర్ పిస్టల్ సింగిల్స్‌లో సామ్రాట్ రాణా గోల్డ్ సాధించడంతో, ISSF వరల్డ్ చాంపియన్‌షిప్‌లో భారత పతకాల సంఖ్య 9కి చేరింది (3 గోల్డ్, 3 సిల్వర్, 3 బ్రాంజ్). పతకాల పట్టికలో చైనా 12 మెడల్స్‌తో అగ్రస్థానంలో ఉండగా, భారత్ రెండో స్థానంలో నిలిచింది.