నెతన్యాహును అరెస్ట్ చేయనా? ట్రంప్ దాంతో ఏం చేస్తారో తెలుసా?

తాజాగా అమెరికాలోని న్యూయార్క్ మేయర్‌గా ఎన్నికైన భారతీయ-ఉగాండ మూలాల డెమోక్రాట్ అభ్యర్థి జొహ్రాన్ మమ్దానీ ఈ ఎన్నికల్లో సాధారణ హామీలతో పాటు ఒక కీలక హామీ కూడా ఇచ్చారు.అయన ప్రకారం, పాలస్తీనాపై అకృత్యాలకు పాల్పడుతున్న ఇజ్రాయెల్ ప్రధాని బెంజమిన్ నెతన్యాహు న్యూయార్క్‌కు వస్తే, ఆయనను అరెస్ట్ చేయనున్నారని మమ్దానీ ప్రకటించారు. గత సంవత్సరం అంతర్జాతీయ క్రిమినల్ కోర్టు ఇదే కారణంతో నెతన్యాహుపై అరెస్ట్ వారెంట్ జారీ చేసింది. ఈ నేపథ్యంలో నెతన్యాహు న్యూయార్క్ సందర్శన ఉత్కంఠను రేపుతోంది.వచ్చే ఏడాది జనవరి 1న న్యూయార్క్ మేయర్‌గా జొహ్రాన్ మమ్దానీ బాధ్యతలు చేపట్టనున్నారు. అదే రోజు రిపబ్లికన్ పార్టీ నేత ఇన్నా వెర్నికోవ్ నెతన్యాహును న్యూయార్క్‌కు ఆహ్వానించారు. మమ్దానీ ఈ సందర్భంలో ఐసీసీ అరెస్ట్ వారెంట్ అమలు చేస్తానని చెప్పారు. రిపబ్లికన్ పార్టీ ఈ హామీని తీవ్రంగా వ్యతిరేకిస్తోంది. న్యూయార్క్‌లో యూదు మరియు పాలస్తీనా వాసులు పెద్ద సంఖ్యలో ఉండటంతో, జనవరి 1న ఏం జరుగుతుందనే అంశంపై చర్చ తారుమారు అయింది.గత నెలలో జెటియోలో జర్నలిస్ట్ మెహదీ హసన్‌తో ఇంటర్వ్యూలో మమ్దానీ తన హామీని గుర్తు చేసుకున్నారు. నెతన్యాహు డొనాల్డ్ ట్రంప్‌ను “మానవ కవచం”గా తీసుకొని న్యూయార్క్‌కు వస్తే, ఆయనను అరెస్ట్ చేస్తారా అని అడిగినప్పుడు, మమ్దానీ “మనం ఐసీసీ వారెంట్ ఎదుర్కొంటున్న వ్యక్తి గురించి మాట్లాడుతున్నాం. పాలస్తీనియన్లపై రెండు సంవత్సరాలుగా మారణహోమానికి పాల్పడిన వ్యక్తి గురించి న్యూయార్క్ వాసుల నుండి ప్రతిచోటా వినిపిస్తోంది. ఇది మానవత్వానికి సంబంధించిన పవిత్రతను దాటే అవమానం” అని తెలిపారు.అయితే, అమెరికా ఐసీసీకి సంతకం చేయలేదు. అంటే అంతర్జాతీయ కోర్టుకు అమెరికా భూభాగంలో అధికార పరిధి లేదు. ఈ కారణంగా, స్థానికంగా వారెంట్ అమలు చేయాలంటే అమెరికా చట్టాల పరిధి, రాజ్యాంగ పరిమితులు చాలా సమస్యలను సృష్టిస్తాయి. అమెరికా ప్రభుత్వం విదేశీ వ్యవహారాలపై ప్రత్యేక అధికారం కలిగి ఉంది. ఈ విధంగా, న్యూయార్క్ అధికారులు నెతన్యాహును అరెస్ట్ చేయడానికి ప్రయత్నించినా, కేంద్ర ప్రభుత్వం అడ్డుపెట్టవచ్చు. దీంతో ఈ సంఘటనపై ఉత్కంఠ మరింత పెరుగుతోంది.