Agibot A2 హ్యూమనాయిడ్ రోబో కొత్త రికార్డు: 106 కిమీ నాన్స్టాప్ ప్రయాణం
Andhra Pradesh Telugu | Suryaa Desk | Published : Fri, Nov 28, 2025, 10:41 PM
టెక్నాలజీ కొత్త దశలను దాటుతూ అద్భుతాలను సృష్టించడంలో ముందంజ వేసింది. రోబోలు ఇప్పుడు మనిషిని ఆశ్చర్యంలో ముంచేస్తున్నాయి. తాజాగా, మనిషిలా నడిచే హ్యూమనాయిడ్ రోబోట్ కొత్త ప్రపంచ రికార్డు సాధించింది.ఈ రోబో 106 కిలోమీటర్లు నాన్స్టాప్గా నడిచింది. దీని పేరు చైనాలోని అగిబోట్ A2. ఈ రోబోట్ మారథాన్ అథ్లెట్లను లెక్కలో పెట్టుకుని, మనిషిని పోలి నడవగలిగేలా రూపొందించబడింది. దీన్ని గిన్నిస్ బుక్ ఆఫ్ రికార్డ్స్లో కూడా నమోదు చేశారు. అగిబోట్ A2 ఎటువంటి మానవ సహాయం లేకుండా 106.28 కిలోమీటర్ల దూరం నడిచింది.అగిబోట్ A2 నవంబర్ 10 నుంచి 13 వరకు సుజౌ నుండి షాంఘై వరకు ప్రయాణించింది. దాని దారి హైవేలు, నగర వీధులు, బహిరంగ ప్రదేశాలు ఇలా రద్దీగా ఉన్న ప్రాంతాల ద్వారా సాగింది. ఈ ప్రయాణాన్ని పూర్తి చేయడానికి దాదాపు మూడు రోజులు పట్టాయి. రోబోట్ స్వయంచాలక నిర్ణయాలు తీసుకుంది, నావిగేషన్ సిస్టమ్ ఉపయోగించి ఎవరికి హాని కలిగించకుండా సురక్షితంగా ముందుకు పోయింది.గిన్నిస్ వరల్డ్ రికార్డ్స్ ప్రకారం, అగిబోట్ A2 కోసం అనేక నెలలుగా అభివృద్ధి కొనసాగించబడింది. ప్రపంచంలోనే ధనవంతుల్లో ఒకరిగా ఉన్న ఎలోన్ మస్క్ తన కంపెనీ ద్వారా “ఆప్టిమస్” రోబోను రూపొందిస్తోంది. అయితే, అగిబోట్ A2 ప్రత్యేకతను సంతరించుకుంది. మస్క్ స్వయంగా దీని వీడియోలను ఆన్లైన్లో షేర్ చేసి, కొన్ని గంటల్లోనే వైరల్ అయ్యాయి
|
|