Gangavaram Corruption Case: ఎస్సైపై కౌన్సిలింగ్ నామంలో లంచం ఆరోపణ

కంచె చేను మేస్తుందనే సామెత పోలవరం జిల్లాలోని గంగవరం పోలీసులకే సరిగ్గా వర్తించింది. చట్టాన్ని అమలు చేయాల్సిన పోలీసులే లంచం తీసుకుంటూ ఏసీబీకి దొరికిపోయారు.ఒక ఎస్సై మరియు కానిస్టేబుల్ ఈ అవినీతి ముఠాలో చిక్కుకున్న విషయం ఇప్పుడు జిల్లాలో సంచలనంగా మారింది. పోలవరం జిల్లా రంపచోడవరం డివిజన్‌లోని గంగవరం పోలీస్ స్టేషన్‌లో పోలీసులు లంచం తీసుకోవడం వెలుగులోకి వచ్చింది.ఒక వివాహేతర సంబంధం కేసులో, గంగవరం స్టేషన్ ఎస్సై వెంకటేష్ మరియు కానిస్టేబుల్ వీరబాబు లంచం డబ్బులు తీసుకుంటూ దొరికారు. వివరాల ప్రకారం, నెల్లిపూడి గ్రామానికి చెందిన అనార్కలి అనే యువతితో దాసరి శివకుమార్ అనే వ్యక్తి వివాహేతర సంబంధం పెట్టుకున్నాడని మొదటి భార్య ఫిర్యాదు చేసింది.ఫిర్యాదు ఆధారంగా ఎస్సై వెంకటేష్ కౌన్సిలింగ్ నిర్వహిస్తూ కేసును సర్దుబాటు చేసుకునేందుకు రూ.20,000 లంచం డిమాండ్ చేసినట్లు తెలుస్తోంది. అయితే, శివకుమార్ డబ్బు ఇవ్వకుండానే నిరాకరించడంతో, ఎస్సై వెంకటేష్ ఒత్తిడి వేశారు. “లేని పక్షంలో కేసు కఠినంగా నమోదు చేస్తా” అని బెదిరించినట్టు ఆరోపణలు వచ్చాయి.అంతేకాక, నగదు తన చేతిలో చేరేంత వరకు శివకుమార్ సెల్‌ఫోన్‌ను ఎస్సై వద్దనే ఉంచినట్టు బాధితుడు తెలిపాడు. డబ్బు ఇవ్వకుండానే శివకుమార్ ఏసీబీ అధికారులను ఆశ్రయించాడు.ఏసీబీ డీఎస్పీ డాక్టర్ కిషోర్ కుమార్ నేతృత్వంలో ప్రత్యేక బృందం ట్రాప్ ఆపరేషన్‌కు రంగం సిద్ధం చేసింది. ముందుగా సాక్షుల సమక్షంలో నగదు నోట్లపై రసాయన పౌడర్ పూసి శివకుమార్ కానిస్టేబుల్ వీరబాబుకు ₹15,000 నగదు అందజేశారు. నగదు స్వీకరించిన వెంటనే ఏసీబీ అధికారులు దాడి చేసి వీరబాబును అదుపులోకి తీసుకున్నారు. రసాయన పరీక్షల్లో వీరబాబు చేతులపై పౌడర్ traces బయటపడ్డాయి. విచారణలో, ఎస్సై వెంకటేష్ సూచన మేరకు డబ్బు తీసుకున్నట్లు వీరబాబు వెల్లడించాడు.తర్వాత ఎస్సై వెంకటేష్‌ను కూడా అదుపులోకి తీసుకుని విచారణ చేపట్టారు. లంచం డిమాండ్ చేసిన ఆధారాలపై కేసు నమోదు చేసి, ఇద్దరినీ అరెస్ట్ చేసి కోర్టులో హాజరుపరచనున్నారు. చట్టాన్ని రక్షించాల్సిన పోలీసులే లంచం వ్యవహారంలో చిక్కుకోవడం స్థానికంగా చర్చనీయాంశమైంది. వివాహేతర కేసును సర్దుబాటు చేసుకునేందుకు డబ్బులు డిమాండ్ చేయడం, సెల్‌ఫోన్ స్వాధీనం చేసుకుని ఒత్తిడి చేయడం వంటి ఆరోపణలు తీవ్రంగా వినిపిస్తున్నాయి.