ఉల్లి రసంతో బోలెడన్ని ఆరోగ్య ప్రయోజనాలు..

ఉల్లి సకల రోగాల నివారిణి. దాన్ని పచ్చిగా తిన్నా.. కూరలో వేసుకున్నా అందులోని పోషకాలు ఎప్పుడూ శరీరానికి మేలే చేస్తాయి. ఉల్లిలో ఉండే ‘క్వెర్‌సెటిన్’ అనే యాంటీ ఆక్సిడెంట్ ఫ్లేవనాయిడ్ శరీరంలో మెటబాలిజంను పెంపొందించి కొవ్వు పేరుకుపోవడాన్ని తగ్గిస్తుంది. ఉల్లిపాయలో కేలరీలు, సోడియం, కొలెస్ట్రాల్ తక్కువ కాబట్టి.. బరువు పెరుగుతామనే బెంగ కూడా అవసరం లేదు. ఉల్లితో బరువు తగ్గాలంటే ఈ కింది చిట్కాను పాటించండి.
-> ఉల్లిపాయను రసంగా చేసుకుని తేనెతో కలపి పరగడుపునే తాగండి. రోజు విడిచి రోజు ఇలా తీసుకుంటే బరువు తగ్గే అవకాశం ఉంటుంది. ఈ రసం పొట్ట భాగంతోపాటు ఒంట్లో పేరుకుపోయిన కొవ్వును తొలగిస్తుంది.
ఇలా తయారు చేయండి: ఉల్లిపాయ రసం, తెనే మిశ్రమం తయారీ కోసం పెద్ద పరిమాణంలో ఉన్న ఒక ఉల్లిపాయ, తగిన మోతాదులో నీరు తీసుకోండి. ఉల్లి రసంలో కలిపేందుకు 1-2 టీ స్పూన్ల తేనె అవసరం. ముందుగా ఉల్లిపాయ పొట్టు తీసి ముక్కలు చేయండి. అనంతరం ఆ ముక్కలను మిక్సిలో వేసి రుబ్బిన తరువాత దానికి తగిన మోతాదులో నీరు, తేనె కలపండి. అంతే.. ఉల్లి రసం సిద్ధమైపోతుంది. ఉల్లి గుజ్జుతో తాగడం ఇబ్బంది అనిపిస్తే.. ఒక శుభ్రమైన క్లాత్‌లోకి తేనె కలపడానికి ముందే ఉల్లి రసాన్ని వడపోయండి. ఆ తర్వాత తేనె కలిపి తీసుకోండి.
-> ఉల్లిపాయలో ఆరోగ్యానికి మేలు చేసే విటమిన్ C, విటమిన్ B6, కాల్షియం, ఫైబర్, ఐరన్, పొటాషియం, మాంగనీస్, పాస్ఫరసర్ ఉన్నాయి.
-> ఉల్లిపాయ రసంతో బరువు తగ్గడంతోపాటు మూత్రాశయ ఇన్ఫెక్షన్లు తగ్గుతాయి.
-> ఉల్లిపాయలో ఉండే పీచు పదార్థం జీర్ణ ప్రక్రియను మెరుగు పరుస్తుంది.
-> ఉల్లిపాయలోని సల్ఫర్ కాంపౌండ్లు రక్తంలో చక్కెర స్థాయిని తగ్గిస్తాయి.
-> ఉల్లి రసాన్ని తేనెతో కలిపి తీసుకోవడం వల్ల జ్వరం, జలుబు, దగ్గు వెంటనే తగ్గుముఖం పడతాయి.
-> ఉల్లిని తరచుగా తీసుకుంటే మొటిమలు, చర్మ సంబంధ ఇన్ఫెక్షన్లు తగ్గుతాయి.
-> ప్రొస్టేట్ గ్రంథి సక్రమంగా పనిచేసేందుకు ఉల్లి రసం సహకరిస్తుంది. బీపీ నియంత్రణకు కూడా ఉల్లి రసం మంచిదే. క్యాన్సర్ కారకాలను అడ్డుకోవడానికి ఉల్లి ఉపయోగపడుతుంది.