పొట్టలో కొవ్వును తగ్గించుకోండిలా..

పొట్టలో కొవ్వును తగ్గించుకోవడానికి ఎక్సర్‌సైజులు చేస్తూనే... నిమ్మకాయ, అల్లం ద్వారా తయారయ్యే డ్రింక్‌ తాగాలి. జస్ట్ ఐదు రోజుల్లో ఫలితం కనిపిస్తుది. ఆహార నియమాలు అవసరం లేదు, అదే పనిగా వర్కవుట్ కూడా చెయ్యాల్సిన పనిలేదు. నిమ్మ, అల్లం డ్రింక్ ఎలా బరువు తగ్గిస్తుంది: అల్లంలో జింజెరోల్స్, షోగౌల్స్ ఉంటాయి. ఇవి శరీరంలో మంటలు తగ్గిస్తాయి. జీర్ణ ప్రక్రియను క్రమబద్ధీకరిస్తాయి. ఆకలిని తగ్గిస్తాయి. ఈ చర్యల వల్ల బరువు తగ్గుతారు. నిమ్మరసంలో విటమిన్ సీ ఉంటుంది. ఇది కూడా ఆకలి తగ్గిపోయేలా చేస్తుంది. అందువల్ల చాలా మంది బరువు తగ్గేందుకు నిమ్మ, అల్లంతో తయారయ్యే డ్రింక్ తాగుతున్నారు.
నిమ్మ, అల్లం డ్రింక్ తయారీ విధానం :
ఓ నిమ్మకాయ తీసుకొని దాని రసాన్ని ఓ గిన్నెలో పిండండి. తాజా అల్లం ముక్క తీసుకొని, తొక్క తీసి చిన్న ముక్కలుగా కోసి, గిన్నెలో వెయ్యండి. ఇప్పుడు గిన్నెలో మూడు కప్పుల నీరు పొయ్యండి. నీటిలో ఉన్న నిమ్మరసం, అల్లం ముక్కలను 5 నుంచీ 10 నిమిషాలు ఉడికించండి. బుడగలు వచ్చేటప్పుడు దించేసి... వడగట్టండి. మూడు కప్పుల డ్రింక్ రెడీ. దీన్ని టీ లాగా వేడిగా తాగొచ్చు, ఫ్రిజ్‌లో పెట్టుకొని కూల్‌గా తాగొచ్చు. రుచి కోసం కావాలంటే తేనె వేసుకోవచ్చు.
రోజుకు మూడు కప్పులు, మూడు పూట్లా తాగితే ఐదు రోజుల్లో కొవ్వు కరిగినట్లు మీకే అనిపిస్తుంది. త్వరగా కొవ్వు కరగకూడదనుకుంటే రోజుకు ఒక కప్పే తాగితే సరిపోతుంది. ఈ డ్రింక్ తయారీకి వాడే నిమ్మకాయలు అత్యంత తాజాగా ఉండాలి. గ్రీన్, ఎల్లో కలర్ వరకూ ఓకే. అవి ఎరుపు లేదా, మాడినట్లుగా అవుతూ చేదు వాసన వస్తున్నట్లు అనిపిస్తే మాత్రం అస్సలు వాడొద్దు. పాడైన నిమ్మకాయల్లో యాసిడ్ శరీరానికి ప్రమాదకరంగా మారుతుంది.