లాడ్జిలో యువకుడితో రొమాన్స్..

ఆన్ లైన్ లో ఓ మహిళతో ఏర్పడిన పరిచయం ఓ యువకుడికి దిమ్మతిరిగే షాక్ ఇచ్చింది. పోలీసులను సైతం ఆశ్చర్యపరిచే ఈ ఘటన కేరళలో జరిగింది. త్రిసూర్‌లో సింధు (37) అనే మహిళకు పాలక్కాడ్ చంద్రనగర్‌కు చెందిన ఓ యువకుడితో సోషల్ మీడియా ద్వారా పరిచయం ఏర్పడింది. ఈ పరిచయం మరింత చనువుకు దారి తీసింది. ఓ రోజు యువకుడిని తన ప్లాట్ కు రావాలని సింధు ఆహ్వానించింది. ఆ తర్వాత అక్కడే ఇద్దరూ శృంగారంలో పాల్గొన్నారు. ఇంతలో ఆ యువకుడికి ఊహించని ట్విస్ట్ ఇచ్చింది ఆ మహిళ. తన వద్ద ఉన్న బంగారు గొలుసు, లాకెట్ ఇవ్వాలని లేకుంటే లైంగికంగా వేధిస్తున్నావని పోలీసులకు ఫిర్యాదు చేస్తానని బెదిరించింది. పరువుపోతుందని భయపడిన ఆ యువకుడు ఆమె చెప్పినట్లుగా నగలు అప్పగించి అక్కడి నుండి వచ్చేశాడు.

ఆ తర్వాత మళ్లీ అదే యువకుడిని బుట్టలో వేసుకుంది. తన ఆర్థిక పరిస్థితుల వల్ల అప్పుడు అలా ప్రవర్తించానని మరో సారి అలా జరగదని ప్రామిస్ చేసింది. ఈ సారి లాడ్జ్ కి రావాలని పిలిపించింది. ఆమె చెప్పినట్లుగానే అక్కడికి వెళ్లిన ఆ యువకుడికి ఈ సారి మరింత దిమ్మతిరిగేలా చేసింది. లాడ్జి లో శృంగారం చేస్తున్న సమయంలో ఆ యువకుడి నగ్న వీడియోలు, ఫోటోలు సీక్రెట్ గా తీసుకుంది. వాటిని చూపించి తాను కోరినంత డబ్బు ఇవ్వాలని బ్లాక్ మెయిల్ చేసింది. దాంతో చేసేదేమి లేక రూ.1,75,000 అప్పగించాడు. అయితే తనకు మరో పది లక్షలు కావాలని డిమాండ్ చేయడంతో ఇంత డబ్బు తానెక్కడి నుండి తెచ్చేదని చివరకు పోలీసులను ఆశ్రయించాడు. డబ్బులు ఇస్తానని ఆ యువకుడితో ప్లాన్ వేయించిన పోలీసులు అక్కడికి వచ్చిన ఈ మాయలేడీని అరెస్ట్ చేసి రిమాండ్ కు తరలించారు. ఆన్ లైన్ పరిచయాల పట్ల అప్రమత్తంగా ఉండాలని ఈ ఘటన హెచ్చరిస్తోంది.