కన్న కూతురిపై తండ్రి అత్యాచారం
national | Suryaa Desk | Published : Mon, Feb 07, 2022, 02:25 PM
ఆ కామాంధుడికి కన్ను మిన్నూ కనిపించలేదు. సొంత కూతురిపై పలుమార్లు అత్యాచారానికి ఒడిగట్టాడు. అతడి ఆగడాలను ఎదిరించలేక బాధిత మైనర్ బాలిక మౌనంగా ఉండిపోయింది. తన బాధ ఎవరికి చెప్పుకోవాలో తెలియక చాలాకాలం వేదన అనుభవించింది. 17 ఏళ్ల వయసులోనే ఆమె గర్భం దాల్చడంతో ఈ దారుణ ఘటన బయటి ప్రపంచానికి తెలిసింది. ఆలస్యంగా వెలుగులోకి వచ్చిన ఈ కేసు వివరాలిలా ఉన్నాయి.
గుజరాత్ రాష్ట్రంలోని వడోదరలో బాధిత బాలిక తల్లి అనారోగ్యంతో కొన్నేళ్ల క్రితం కన్నుమూసింది. తండ్రి వద్దే ఆమె ఉంటోంది. భార్య లేకపోవడంతో ఒంటరిగా ఉన్న కూతురిపై ఆ కామాంధుడు కన్నేశాడు. కన్నతండ్రిననే విషయం మరిచి, మైనర్ బాలికపై పలుమార్లు అత్యాచారానికి పాల్పడ్డాడు. ఈ క్రమంలో ఇటీవల బాలిక అస్వస్థతకు గురైంది. ఆమెను మేనత్త ఓ డాక్టర్ దగ్గరకు తీసుకెళ్లింది. అప్పుడే ఓ భయంకరమైన నిజం వెల్లడైంది. బాలిక గర్బందాల్చిందని వైద్యులు పేర్కొన్నారు.
దీనిపై ఆమె మేనత్త బాలిక నుంచి వివరాలు అడిగి తెలుసుకుంది. తనపై తండ్రే చాలా సార్లు రేప్ చేసినట్లు అసలు విషయం చెప్పింది. విషయం తెలుసుకున్న ఆమె బాలికను తీసుకుని సరాసరి పోలీసు స్టేషన్కు వెళ్లింది. 2021 నుంచి బాలికపై అఘాయిత్యం చేస్తున్న ఆమె తండ్రిపై ఫిర్యాదు చేసింది. పోలీసులు పోస్కో కేసు నమోదు చేసి, నిందితుడిని అదుపులోకి తీసుకున్నారు. ఈ దారుణ ఉదంతంపై విచారణ చేపట్టారు.
|
|