కృష్ణాకు వంగవీటి, అనంతపురంకు శ్రీకృష్ణ దేవరాయల పేర్లు పెట్టాలి

కొత్త జిల్లాల పేర్లలో భాగంగా కృష్ణా జిల్లాకు వంగవీటి మోహన రంగా అదేవిదంగా అనంతపూర్ జిల్లాకు శ్రీకృష్ణ దేవరాయ రాయల పేర్లు పెట్టాలని వెంకటగిరి శ్రీకృష్ణదేవరాయ కాపు, బలిజ సంక్షేమ సేవా సంఘం ఆదివారం నాటి సమావేశంలో ఏకగ్రీవంగా తీర్మానించి, రాష్ట్ర ప్రభుత్వాన్ని డిమాండ్ చేస్తుందని వెంకటగిరి శ్రీకృష్ణ దేవరాయ కాపు, బలిజ సంక్షేమ సేవా సంఘం అధ్యక్షులు తోట కృష్ణయ్య తెలియజేసారు. అదే విధంగా ఈ నెల 16న వెంకటగిరి పట్టణంలో శ్రీ కృష్ణ దేవరాయల 551వ జయంతి వేడుకలు ఘనంగా నిర్వహించాలని కమిటీ తీర్మానించిందని తోట కృష్ణయ్య తెలిపారు.

విజయవాడ కేంద్రంగా ఉన్న కృష్ణా జిల్లాకు వంగవీటి మోహనరంగా పేరు పెట్టాలంటూ ఆదివారం నాడు చలో తిరుపతి అంటూ13 జిల్లాలకు చెందిన కాపు, బలిజ నాయకులు తిరుపతిలో సమావేశమయ్యారు. ఈ సమావేశానికి వెంకటగిరి నుండి తోట కృష్ణయ్య ఆధ్వర్యంలో కాపు, బలిజ నాయకులు తరలి వెళ్లారు. ఈ సమావేశంలో రాష్ట్రం నలుమూలల నుండి వచ్చిన నాయకులు తమ తమ అభిప్రాయాలను తెలియజేసారు. ఈ సమావేశం లో కృష్ణా జిల్లాకు వంగవీటి మోహన రంగా పేరు పెట్టాలని ఏకగ్రీవంగా తీర్మానించారు. ఈ సమావేశం లో అతి తక్కువ సమయంలో కాపు, బలిజ సంఘ కార్యక్రమాలను రాష్ట్ర స్థాయికి తీసుకొని వెళ్లిన వెంకటగిరి కాపు, బలిజ సంక్షేమ సేవాసంఘం అధ్యక్షులు తోట కృష్ణయ్యను శాలువా, పూలమాలతో సన్మానించారు.

ఈ సమావేశంలో రాష్ట్ర నాయకులు డాక్టర్ కరుణానిధి, గాదె బాలాజీ, హరి, పుత్తూరు గోపి రాయల్, విశ్రాంత సి. ఐ. శంకర్, కృష్ణా జిల్లా అధ్యక్షులు ఎర్రంశెట్టి సాయి, వెంకటగిరి నాయకులు, తదితర జిల్లాస్ నలుమూలల నుండి వచ్చిన నాయకులు పాల్హోన్నారు.