రష్యా సైనికులను వెంటాడుతున్న కష్టాలు: న్యాయార్క్ టైమ్స్ కథనం
international | Suryaa Desk | Published : Thu, Mar 03, 2022, 01:42 PM
రష్యా, ఉక్రెయిన్ మధ్య నడుస్తున్న యుద్దం విశేషాలలో ఆసక్తికర అంశాలు వెలుగులోకి వస్తున్నాయి. ఉక్రెయిన్లోకి దూసుకొచ్చి యుద్ధం చేస్తున్న రష్యా సైనికుల పరిస్థితి దారుణంగా ఉందంటూ ‘న్యూయార్క్ టైమ్స్’ సంచలన కథనాన్ని ప్రచురించింది. వారి పరిస్థితి రోజురోజుకు దయనీయంగా మారుతోందని పేర్కొంది. తినడానికి తిండిలేక, తాగడానికి నీరు లేక అల్లాడిపోతున్నారని తెలిపింది. యుద్ధానికి సంబంధించి ముందస్తుగా ఎలాంటి ప్రణాళిక లేకపోవడమే ఇందుకు కారణమని వివరించింది. రష్యా సైన్యంలో ఎక్కువమంది యువకులే ఉన్నారని, పూర్తిస్థాయి యుద్ధంలో ఎలా పాల్గొనాలో వారికి సరైన సరైన శిక్షణ ఇవ్వలేదని రాసుకొచ్చింది. వారి దయనీయ పరిస్థికి అదే కారణమని పేర్కొంది. ఉక్రెయిన్లో కనిపించిన వారిని కనిపించినట్టు కాల్చిపారేయాలని సైన్యాధికారుల నుంచి ఆదేశాలు ఉన్నప్పటికీ వారికి ఆ పనిచేయడానికి మనస్కరించడం లేదని తెలిపింది. శత్రదేశ పౌరులను కాల్చడం, ఆస్తులు ధ్వసం చేయడాన్ని ఇష్టపడని రష్యన్ సైనికులు సొంతం వాహనాలనే ధ్వంసం చేసుకుంటున్నారంటూ ఆ కథనంలో వివరించింది. ఈ విషయాలన్నీ రష్యన్ సైనికులే వెల్లడించారని తెలిపింది.
|
|