కొవిడ్ సోకిన పురుషుల్లో సంతానోత్పత్తి క్షీణత
national | Suryaa Desk | Published : Tue, Apr 12, 2022, 11:18 AM
కొవిడ్పై చేసిన ఓ అధ్యయనం సంచలనం రేకెత్తిస్తోంది. కొవిడ్ బారిన పడి కోలుకున్న పురుషులలో సంతానోత్పత్తి క్షీణిస్తోందని సదరు అధ్యయనంలో తేలింది. దీంతో పురుషులలో ఆందోళన నెలకొంది. ఐఐటీ బొంబాయి, జస్లోక్ హాస్పిటల్, రీసెర్చ్ సెంటర్ పరిశోధకులు సంయుక్తంగా ఈ అధ్యయనాన్ని చేపట్టారు. ఇందులో కీలక విషయాలు వెల్లడయ్యాయి. స్వల్ప లక్షణాలతో కొవిడ్ నుంచి కోలుకున్నప్పటికీ పురుషులలతో సంతానోత్పత్తికి అవసరమయ్యే ప్రొటీన్ దెబ్బతింటున్నట్లు పరిశోధకులు గుర్తించారు. పరిశోధనలో భాగంగా 20 నుంచి 45 ఏళ్లలోపు ఉన్న 10 మంది ఆరోగ్యవంతమైన పురుషుల వీర్యం, 17 మంది కొవిడ్ నుంచి కోలుకున్న వ్యక్తుల వీర్యాన్ని సేకరించారు. వాటిని విశ్లేషించినప్పుడు ఆరోగ్యవంతులతో పోలిస్తే కొవిడ్ బారిన పడి కోలుకున్న వారి వీర్య కణాలు గణనీయంగా తగ్గినట్లు తెలుసుకున్నారు. వారిలో సంతానోత్పత్తికి అవసరమయ్యే ప్రొటీన్లు సెమెనోజెలిన్1, ప్రోసాపోసిన్ తక్కువ స్థాయిలో ఉన్నట్లు తేలింది.
|
|