ట్రెండింగ్
భారీ అగ్నిప్రమాదం.. ఆరుగురు మృతి
Andhra Pradesh Telugu | Suryaa Desk | Published : Thu, Apr 14, 2022, 07:48 AM
ఏపీలోని ఏలూరు జిల్లాలో భారీ అగ్నిప్రమాదం జరిగింది. అక్కిరెడ్డిగుడెంలోని పోరస్ కెమికల్ ఫ్యాక్టరీలో బుధవారం రాత్రి అగ్నిప్రమాదం జరిగింది. ఈ ఘటనలో ఆరుగురు కార్మికులు మృతిచెందారు. పలువురికి గాయాలయ్యాయి. ఎన్డీఆర్ఎఫ్ సిబ్బంది సహాయక చర్యలు చేపట్టారు. గాయపడిన వారిని నూజివీడు ఏరియా ఆస్పత్రికి తరలించారు. ఏలూరు ఎస్పీ ఘటనా స్థలానికి చేరుకుని పరిశీలిస్తున్నారు. ప్రమాదానికి గల కారణాలపై విచారణ చేస్తున్నామన్నారు.
ఫ్యాక్టరీలో ఒక్కసారిగా మంటలు చెలరేగాయని బాధితుడు ఒకరు తెలిపారు. యాజమాన్యం నిర్లక్ష్యం వల్లే ప్రమాదం జరిగిందని బాధితులు చెబుతున్నారు. చక్కర కర్మాగారాన్ని రసాయన పరిశ్రమగా మార్చారని, ప్రమాదం జరిగాక కంపెనీ వాళ్లు చర్యలు తీసుకోలేదని చెప్పారు. షిఫ్టులో 150 మంది వరకు పనిచేస్తుంటారని తెలిపారు.
|
|