టీడీపీ మొదలే చూడ‌ని వైసీపీ నేత‌లు మా పార్టీ అంతుచూడటమా: అయ్యన్న పాత్రుడు
Andhra Pradesh Telugu | Suryaa Desk | Published : Sat, Apr 16, 2022, 11:27 PM
టీడీపీ మొదలే చూడ‌ని వైసీపీ నేత‌లకు టీడీపీ అంతు చూసే సీనే లేదు అంటూ వైసీపీ ప్ర‌ధాన కార్య‌ద‌ర్శి, రాజ్య‌స‌భ స‌భ్యుడు విజ‌య‌సాయిరెడ్డిపై టీడీపీ సీనియ‌ర్ నేత, మాజీ మంత్రి చింత‌కాయ‌ల అయ్య‌న్న‌పాత్రుడు ట్విట్ట‌ర్ వేదిక‌గా సెటైర్లు సంధించారు. టీడీపీ అంతు చూస్తామంటూ సాయిరెడ్డి చేస్తున్న వ్యాఖ్య‌ల‌ను ప్ర‌స్తావించిన అయ్యన్న.. టీడీపీ మొదలే చూడ‌ని వైసీపీ నేత‌లకు టీడీపీ అంతు చూసే సీనే లేద‌ని సెటైర్లు సంధించారు.
శ‌నివారం రాత్రి వ‌రుస‌గా సంధించిన ట్వీట్ల‌లో అయ్యన్న పేర్కొంటూ.. సాయిరెడ్డి, నువ్వు ఇంకా టీడీపీ మొదలే చూడలేదు.. అంతు చూసేంత సీన్ నీకు లేదు. నువ్వు, మీ నాయకుడు టీడీపీ మొదలు చూసేలోపే మరోసారి జైల్లో చిప్పకూడు తినిపిస్తాం. టీడీపీ అంతు చూడటం మీ నాయకుడి బాబు వల్లే కాలేదు, నువ్వెంత? విశాఖలో వేసిన చిల్లర వేషాల కారణంగా అడుగుపెడితే కాళ్లు విరగ్గొడతా అని జగన్ రెడ్డి వార్నింగ్ ఇవ్వడంతో ఇప్పుడు 26 జిల్లాలు తిరుగుతా అని బీరాలు పలుకుతున్నాడు వీసా రెడ్డి' అని ఆయన ఎద్దేవా చేశారు.
|
|