పెను విషాదం.. ఇద్దరు యువకులు మృతి
Andhra Pradesh Telugu | Suryaa Desk | Published : Mon, Apr 18, 2022, 04:06 PM
అనకాపల్లి జిల్లాలో తీవ్ర విషాదం చోటు చేసుకుంది. వివరాల్లోకి వెళితే.. రాంబిల్లి శివారు వాడపాలెం సముద్రతీరంలో ఆదివారం స్నానానికి దిగి ఇద్దరు యువకులు మృతి చెందారు. మరో యువకుడిని మత్స్యకారులు కాపాడారు. మృతులు ఇద్దరు ప్రత్యామ్నాయ నావికాస్థావరం (ఎన్ఏఓబీ) ప్రాజెక్టులో పనిచేస్తున్నట్లు గుర్తించామని ఎస్సై పి.రాజారావు చెప్పారు.
ఎన్ఏఓబీ ప్రాజెక్టులో పలు నిర్మాణ సంస్థలు, గుత్తేదారుల వద్ద పనిచేసే ఉద్యోగులు, కార్మికులు సెలవు రోజుల్లో సరదాగా గడిపేందుకు సముద్ర తీరాలకు వస్తుంటారు. ఇదే క్రమంలో ఆదివారం కొందరు కార్మికులు వాడపాలెం తీరానికి వచ్చారు. పశ్చిమబంగ రాష్ట్రానికి చెందిన స్నేహాశిష్ (30), బిహార్కు చెందిన అభయ్కుమార్ (32) మరో యువకుడు మునిగిపోతూ కేకలు వేయడంతో మత్స్యకారులు ఒడ్డుకు చేర్చారు. స్నేహాశిష్ అప్పటికే మృతి చెందాడు.
అభయ్కుమార్కు తోటి కార్మికులు సపర్యలు చేసి ఆసుపత్రికి తరలించాక మృతి చెందాడని ఎస్సై చెప్పారు. స్నేహాశిష్ ఎల్అండ్టీ సంస్థ ఉద్యోగి. అభయ్కుమార్ అభయ్ ఎంటర్ప్రైజెస్ సంస్థలో కార్మికుడిగా పనిచేస్తున్నట్లు గుర్తించామని ఎస్సై చెప్పారు. మత్స్యకారులు కాపాడిన యువకుడు ఎవరన్నది తెలియదని చెప్పారు. మృతదేహాలను అనకాపల్లి ఎన్టీఆర్ ఆసుపత్రిలో భద్రపర్చామన్నారు.
|
|