ట్రెండింగ్
ప్రభుత్వ వేతనం వద్దు: ఏపీఐఐసీ చైర్మన్ మెట్టుగోవిందరెడ్డి
Andhra Pradesh Telugu | Suryaa Desk | Published : Thu, Apr 21, 2022, 11:24 AM
ప్రభుత్వం చెల్లించే గౌరవ వేతనం తనకు వద్దంటూ ఏపీఐఐసీ చైర్మన్ మెట్టు గోవిందరెడ్డి వెల్లడించారు. ఈ మేరకు ఆర్థిక శాఖకు బుధవారం ఆయన లేఖ రాశారు. ఇటీవల కార్పొరేషన్ చైర్మన్ల గౌరవ వేతనంపై ప్రభుత్వం సీలింగ్ విధించింది. వేతనాలు రూ. 65 వేలకు మించొద్దని నిబంధన తెచ్చింది. దీంతో ఏపీఐఐసీ చైర్మన్ వేతనం వేతనం రూ. 65 వేలకు తగ్గింది. ఏపీఐఐసీ చైర్మన్ కు ప్రభుత్వం ఆర్-కేటగిరి హోదా ఇచ్చింది. ఆయనకు వేతనంతోపాటు ఇతర సౌకర్యాలు కలిపి రూ. 3. 82 లక్షల వరకు వచ్చేది. గౌరవ వేతనంపై ప్రభుత్వం విధించిన సీలింగ్ నేపథ్యంలో ఏపీఐఐసీ ద్వారా తనకు వచ్చే వేతనం వద్దని, తనకు వచ్చే వేతనాన్ని తిరిగి ఖజానాకు జమ చేస్తున్నానని తెలిపారు. ప్రజాసేవలో భాగంగా తనకు గౌరవ వేతనం అవసరం లేదంటూ ఆయన స్పష్టం చేశారు.
|
|