అతని చర్యల వలన 2వేల కుటుంబాలు రోడ్డున పడ్డాయి
Andhra Pradesh Telugu | Suryaa Desk | Published : Thu, Apr 21, 2022, 11:39 AM
నెల్లూరు జిల్లాలో జనసేన పార్టీ ఇంచార్జి గ కేతం రెడ్డి వినోద్ రెడ్డి కొనసాగుతుండటం తెలిసిన విషయమే. ఒక సామాన్య పోలీస్ కానిస్టేబుల్ కొడుకుగా మాత్రమే పరిచయం ఉన్న వినోద్ రెడ్డి ఇప్పుడు యావత్ రాష్ట్రమంతటా తన మంచి నడకతో బాగానే పేరు సంపాయించాడు. ఐతే వైసీపీ నాయకులూ, మాజీ మంత్రి అనిల్ తో రాజకీయ పరంగా బేధాలు ఉన్న సంగతి తెలిసిందే. తాజాగా వినోద్ రెడ్డి మాట్లాడుతూ... నన్ను, నా అడ్వర్టైజింగ్, ఫ్లెక్స్ ప్రింటింగ్ వ్యాపారాన్ని టార్గెట్ చేస్తూ నెల్లూరు సిటీ నియోజకవర్గంలో పాతమంత్రి అనిల్ మొదలెట్టిన ఫ్లెక్సీల పీకుడు రగడ నేడు వాళ్ళ వైసీపీ పార్టీలోనే కుళ్ళు కుతంత్రాల రచ్చకు కారణమైంది. ఎవరి కర్మ వారు అనుభవిస్తారు అంటే ఇదే. గతంలో నెల్లూరు నగరం మొత్తం తన ఫ్లెక్సీలతో నింపిన అనిల్ మంత్రి అవ్వగానే నెల్లూరులో ఎవ్వరూ కనపడకూడదు అనే అభద్రతాభావంతో రాష్ట్రంలో ఎక్కడా లేనివిధంగా చేసిన చర్యల వల్ల నియోజకవర్గంలో ఫ్లెక్సీ సంబంధిత రంగాలపై ఆధారపడే సుమారు 2వేల కుటుంబాలు రోడ్డున పడ్డాయి అని ఆవేదన వ్యక్త పరిచారు.
|
|