ట్రెండింగ్
ఐపీఎల్ : కోల్ కతాపై విజయం సాధించిన గుజరాత్
sports | Suryaa Desk | Published : Sat, Apr 23, 2022, 10:54 PM
ఐపిఎల్ లో నేడు కోల్ కతా నైట్ రైడర్స్, గుజరాత్ టైటాన్స్ మధ్య హోరాహోరీ మ్యాచ్ జరిగింది. ఈ మ్యాచ్ లో గుజరాత్ విజయం సాధించింది. మొదట టాస్ గెలిచిన గుజరాత్ బ్యాటింగ్ ఎంచుకుంది. నిర్ణీత 20 ఓవర్లలో 156 పరుగులు చేసింది. ఆ తర్వాత బ్యాటింగ్ చేసిన కోల్ కతా నైట్ రైడర్స్ జట్టు 20 ఓవర్లలో 8 వికెట్లకు 148 పరుగులు చేసి ఓటమిని చవిచూసింది.
రెండో ఇన్నింగ్స్ లో కోల్ కతా ఆల్ రౌండర్ ఆండ్రీ రస్సెల్ 25 బంతుల్లో 48 రన్స్ చేశాడు. లోయరార్డర్ లో ఉమేశ్ యాదవ్ ఓ మోస్తరు ప్రయత్నం చేసినా అది విఫలం అయ్యింది. గుజరాత్ బౌలర్లలో మహ్మద్ షమీ 2, యశ్ దయాళ్ 2, రషీద్ ఖాన్ 2, అల్జారీ జోసెఫ్ 1, లాకీ ఫెర్గుసన్ 1 వికెట్ తీసి జట్టుకు విజయం వరించేలా చేశారు. ఈ టోర్నీలో గుజరాత్ ఇప్పటివరకు 7 మ్యాచ్ లు ఆడి 6 విజయాలు సాధించి పాయింట్ల పట్టికలో మొదటి స్థానంలో ఉంది.
|
|