చికెన్ ఎక్కువగా తినేవారికి ఆ ప్రమాదం

చికెన్‌ను చూడగానే కొంత మంది లాగించే దాకా వదిలిపెట్టరు. కొంతమంది వారానికి సరిపడా చికెన్ ఒకేసారి కొని ఫ్రిజ్‌లో పెట్టి రోజూ వండుకొని తింటుంటారు. ప్రోటీన్స్ కోసం చికెన్ తినడం మంచిదే కానీ రోజూ తినడం మాత్రం ప్రమాదమే. వారానికి 2 లేదా 3 సార్లు చికెన్ తినవచ్చు గానీ రోజూ మాత్రం తినవద్దని ఆరోగ్య నిపుణులు చెబుతున్నారు. చికెన్‌తో వంద రకాలుగా వండుకోవచ్చు. ఇతర కూరలతో చికెన్ ఫ్రై తినవచ్చు. రోటీలు, చపాతీలు అన్నింట్లోకీ చికెన్ సెట్ అవుతుంది. అందుకే చాలా మంది దీన్ని డైలీ తింటున్నారు. మాంసంతో పోల్చితే చికెన్‌లో ఫ్యాట్ తక్కువే. అందుకే ప్రజలు చికెన్‌ను ఎక్కువగా తింటున్నారు. చికెన్ రోజూ తింటే ఏమవుతుందో చూద్దాం.

మనం తినే ఆహారంలో ప్రోటీన్స్ రోజూ 35 శాతానికి మించకూడదు. మరోలా చెప్పాలంటే రోజూ 50 గ్రాములకు మించి చికెన్ తినకూడదు. అంటే వారానికి 350 గ్రాములు. అంతకంటే ఎక్కువ తింటే చికెన్ ద్వారా వచ్చే ప్రోటీన్‌ను బాడీ ఫ్యాట్‌గా మార్చి లోపలే దాస్తుంది. దాంతో బరువు పెరగడం మొదలవుతుంది. బ్లడ్ లెవెల్స్ పెరుగుతాయి. అది ప్రమాదకరం అవుతుంది. చికెన్ ఎక్కువగా తినేవారు ఉబ్బినట్లుగా అవుతూ బరువు పెరుగుతారు. క్రమంగా రక్త నాళాల్లో కొవ్వు నిల్వలు పెరిగి... హార్ట్ ఎటాక్ సహా గుండె సంబంధిత జబ్బులు వచ్చే ప్రమాదం ఉంటుంది. అందువల్ల ప్రోటీన్స్ మరీ ఎక్కువైతే ప్రమాదమే. చికెన్ కొద్దిగా తిన్నప్పుడు దాన్ని అరిగించడానికి ఎక్కువ ఎనర్జీ ఖర్చవుతుంది. తద్వారా బరువు తగ్గుతారు. అదే చికెన్ ఎక్కువగా తింటే అరిగించే బదులు ఫ్యాట్‌గా మారి బరువు పెరుగుతారు. చికెన్‌ను వీలైనంత ఎక్కువ సేపు ఉడికించి తినాలి. ఎందుకంటే అందులో సాల్మొనెల్లా అనే బ్యాక్టీరియా ఉంటుంది. అది కరోనా లాగే ప్రమాదకరమైనది. తీవ్రమైన అనారోగ్యం వచ్చేలా చేస్తుంది. అందువల్ల మంచి చికెన్ మాత్రమే తినాలి. శుభ్రంగా లేనిది తినకూడదు. కోళ్లు త్వరగా పెరగడానికీ, బలిష్టంగా అవ్వడానికీ వాటికి యాంటీబయాటిక్ ఇంజెక్షన్లు ఇస్తారు. అవి మనుషులకు విషపూరితమైనవి. అందువల్ల చికెన్ ఎక్కువగా తింటే విషాన్ని కూడా తింటున్నట్లే అనుకోవచ్చు. కాబట్టి ప్రోటీన్స్ కోసం బాదం, గుడ్లు, చేపలు, పప్పులు, గింజల వంటివి తినడం మేలు. చికెన్‌ను అప్పుడప్పుడూ మాత్రమే తింటే ఆరోగ్యానికి మంచిది.