ట్రెండింగ్
సీఎం జగన్ తిరుపతి పర్యటన షెడ్యూల్‌ ఇదే..
Andhra Pradesh Telugu | Suryaa Desk | Published : Wed, May 04, 2022, 05:37 PM
ఏపీ సీఎం జగన్ తిరుపతిలో రేపు పర్యటించనున్నారు. ఉదయం 9.30 గంటలకు తాడేపల్లి నివాసం నుంచి బయల్దేరి 11.05 గంటలకు తిరుపతి ఎస్‌వీ వెటర్నరీ కాలేజ్‌ గ్రౌండ్స్‌కు చేరుకుంటారు. ఆ తర్వాత 11.20 గంటలకు ఎస్‌వీ యూనివర్శిటీ స్టేడియం చేరుకుని ‘జగనన్న విద్యాదీవెన’ కార్యక్రమంలో భాగంగా బహిరంగ సభలో మాట్లాడుతారు. ఆ తర్వాత 12.55 గంటలకు శ్రీపద్మావతి చిల్డ్రన్స్‌ మల్టీ సూపర్‌ స్పెషాలిటీ ఆసుపత్రికి చేరుకుని టీటీడీ చిన్నపిల్లల ఆసుపత్రి భవన నిర్మాణానికి భూమిపూజ చేస్తారు.
అనంతరం టాటా కేన్సర్‌ కేర్‌ సెంటర్‌ (శ్రీ వెంకటేశ్వర ఇన్ట్సిట్యూట్‌ ఆఫ్‌ కేన్సర్‌ కేర్‌ అండ్‌ అడ్వాన్స్‌ రీసెర్చ్‌ హాస్పిటల్)కు చేరుకుని నూతన హాస్పిటల్ ను ప్రారంభిస్తారు. ఈ కార్యక్రమాలన్నీ అయ్యాక మధ్యాహ్నం 2.25 గంటలకు రేణిగుంట ఎయిర్‌పోర్ట్‌ నుంచి బయలుదేరి 3.35 గంటలకు తాడేపల్లి నివాసానికి చేరుకుంటారు.
|
|