ప్రపంచంలో అత్యంత పొడవైన కుటుంబం ఇదే!
international | Suryaa Desk | Published : Thu, May 05, 2022, 04:21 PM
అమెరికా మిన్నెసొటాకు చెందిన ట్రాప్ కుటుంబం ప్రపంచంలోనే అత్యంత పొడవైన కుటుంబంగా గిన్నిస్ రికార్డు సాధించింది. ఈ ఫ్యామిలీ మెంబర్స్ యొక్క సగటు ఎత్తు 203.29 సెం.మీ.గా ఉన్నట్లు గిన్నిస్ సంస్థ లెక్కగట్టింది. ఇది 6 అడుగుల 8.03 అంగుళాలకు సమానం.
ట్రాప్ ఫ్యామిలీలో క్రిస్సీ ట్రాప్ అనే మహిళ తక్కువ ఎత్తు ఉంటుంది. ఆమె ఎత్తు 6 అడుగుల 3 అంగుళాలు (191.2 సెంమీ). క్రిస్సీ భర్త 202.7 సెం.మీ (6 అడుగుల 8 అంగుళాలు) పొడవు ఉన్నాడు. వారి కూతుళ్లు సవానా 203.6 సెం.మీ (6అడుగుల 8అంగుళాలు), మోలీ 197.26 సెం.మీ (6అడుగుల 6అంగుళాలు) పొడవు ఉన్నారు.
ఇక ఈ కుటుంబంలో వయసులో చిన్నవాడైన ఆడమ్ ట్రాప్ ఏకంగా 7 అడుగుల 3 అంగుళాలు. సెంటీ మీటర్లలో చూస్తే అతని ఎత్తు 221.71. ఆడమ్ ట్రాప్ ఐడియాతోనే వీరంతా గిన్నిస్ రికార్డుకు ప్రయత్నించారు. అయితే ఎక్కువ ఎత్తు ఉండటం వల్ల తమకు బట్టలు, చెప్పులు దొరకడం చాలా కష్టమవుతోందని ఈ కుటుంబ సభ్యులు చెప్పుకొచ్చారు. ఎక్కువ ఎత్తు పెరగడం వల్ల శరీరంపై చర్మం సాగిన గుర్తులు వస్తున్నాయని చెబుతున్నారు. కొన్నిసార్లు ఒళ్లు నొప్పులు తీవ్రంగా ఉంటాయని తెలిపారు. ఎక్కువ ఎత్తు వల్ల తమకు లాభాలే ఎక్కువ ఉన్నాయని చెబుతున్నారు. తమ పిల్లలిద్దరూ స్కూల్ బాస్కెట్ బాల్, వాలీబాల్ టీమ్ కు క్రమం తప్పకుండా ఎంపికవుతారని చెప్పారు.
|
|