సజ్జలతో విజయసాయిరెడ్డి భేటీ...కొత్త లుక్ ఫోటో వైరల్
Andhra Pradesh Telugu | Suryaa Desk | Published : Fri, May 06, 2022, 04:18 PM
సినీ ప్రముఖులే కాదు రాజకీయ ప్రముఖులు ఏం చేసినా అదో ట్రెండ్ అవుతుంది. ఏపీలో అధికార పార్టీ వైసీపీ ప్ర‌ధాన కార్య‌ద‌ర్శి, పార్ల‌మెంటులో ఆ పార్టీ నేత, రాజ్యసభ స‌భ్యుడు వేణుంబాక విజయసాయిరెడ్డి ఓ కొత్త లుక్‌లో క‌నిపించారు. కార‌ణం ఏమిటో తెలియ‌దు గానీ... ఆయన త‌ల వెంట్రుక‌లు లేకుండా... గుండు చేయించుకున్న త‌ర్వాత అప్పుడ‌ప్పుడే మొలుస్తున్న వెంట్రుల‌తో స‌రికొత్త లుక్కులో ద‌ర్శ‌న‌మిచ్చారు. ఇలా గుండు చేయించుకున్న లుక్కులో విజయసాయిరెడ్డి ఇప్ప‌టిదాకా ఎప్పుడూ క‌నిపించ‌లేదు. కార‌ణం ఏమిటో తెలియ‌దు గానీ.. త‌ల వెంట్రుక‌ల‌ను పూర్తిగా తొల‌గించుకున్న విజయసాయిరెడ్డి ఫొటో ఇప్పుడు సోష‌ల్ మీడియాలో వైర‌ల్‌గా మారిపోయింది.
శుక్ర‌వారం నాడు వైసీపీకి చెందిన మరో ప్ర‌ధాన కార్య‌ద‌ర్శి, ఏపీ ప్ర‌భుత్వ ముఖ్య స‌ల‌హాదారు స‌జ్జ‌ల రామ‌కృష్ణారెడ్డితో విజయసాయిరెడ్డి భేటీ అయ్యారు. ఈ భేటీలో పార్టీకి చెందిన ప‌లు అంశాల‌పై వారిద్ద‌రూ చ‌ర్చించుకున్నారు. ఈ విష‌యాన్ని స్వ‌యంగా విజ‌య‌సాయిరెడ్డే ట్విట్ట‌ర్ వేదిక‌గా తెలిపారు. సజ్జలతో తాను భేటీ అయిన ఫొటోను కూడా ఆయ‌నే స‌ద‌రు ట్వీట్‌కు జ‌త చేశారు.
|
|