ట్రెండింగ్
గంగమ్మ నామస్మరణతో మార్మోగిన బోయకొండ
Bhakthi | Suryaa Desk | Published : Mon, May 09, 2022, 11:22 AM_1277.jpg){kind=tracking}
చిత్తూరు జిల్లా పుంగనూరు నియోజకవర్గం చౌడేపల్లె మండలం లోని శక్తి క్షేత్రం బోయకొండ గంగమ్మ నామస్మరణతో మార్మోగింది. ఉదయం అర్చకులు ఆలయాన్ని శుద్ధి చేసి, అమ్మవారికి ప్రీతి కరమైన వేపాకు తోరణాలతో అలంకరించారు. అమ్మవారికి అభిషేకాలు, అర్చనలు చేసి, స్వర్ణాభరణాలతో, పూలతో ప్రత్యేకంగా అలంకరించి, ధూప దీప నైవేద్యాలు సమర్పించి భక్తులకు దర్శనం కల్పించారు. ఉభయ తెలుగు రాష్ట్రాల నుంచే కాకా తమిళనాడు, కర్ణాటకల నుంచి సుమారు 20 వేలమంది భక్తులు తరలి వచ్చి అమ్మవారిని దర్శించుకుని తీర్థ ప్రసాదాలు అందుకున్నారు. ఉదయం 7 నుంచి మధ్యాహ్నం 2 గంటల వరకు రద్దీ కొనసాగింది. ఎండ తీవ్రత ఎక్కువగా ఉండటంతో భక్తులకు పానకం పంపిణీ చేశారు. గంగమ్మ భక్తుల అన్నదానం కోసం రూ. 56 వేల విరాళం వచ్చినట్టు ఈవో చంద్రమౌళి పేర్కొన్నారు.
|
|