శ్రీవారి భక్తులకు అలర్ట్.. అన్ని టికెట్లు రేపే విడుదల
Andhra Pradesh Telugu | Suryaa Desk | Published : Mon, May 23, 2022, 05:27 PM
శ్రీవారి భక్తులకు టిటిడి మరో గుడ్ న్యూస్ చెప్పింది. భక్తుల డిమాండ్ ను బట్టీ తిరుమల తిరుపతి దేవస్థానం తీపి కబురు అందించింది. ఆగస్టు నెలకు సంబంధించిన అన్ని టికెట్లను విడుదల చేయనున్నట్టు వెల్లడించింది. మొత్తం టికెట్లు అన్ని కూడా ఆన్ లైన్ లోనే విడుదల చేయనుంది. ఆగస్టు నెలకు సంబంధించిన ఆర్జిత సేవా టిక్కెట్లను రేపు ఉదయం 9 గంటలకు ఆన్‌లైన్‌లో విడుదల చేస్తున్నట్టు తిరుమల తిరుపతి దేవస్థానం అధికారికంగా వెల్లడించింది.
కల్యాణోత్సవం, ఆర్జిత బ్రహ్మోత్సవం, ఊంజుల సేవ, సహస్ర దీపాలంకరణ సేవా టిక్కెట్లను కూడా రేపే విడుదల చేయనున్నట్లు టీటీడీ ప్రకటించింది. ఇకపోతే లక్కీ డిప్ ద్వారా సుప్రభాతం, తోమాల, అర్చన, ఆర్జిత సేవా టిక్కెట్లను పొందేందుకు కూడా మంగళవారం మధ్యాహ్నం 3 గంటల నుంచి 26వ తేదీ మధ్యాహ్నం 3 గంటలకు వరకు భక్తులు ఆన్ లైన్‌లో రిజిస్ట్రేషన్ చేసుకునే అవకాశాన్ని టీటీడి కల్పించింది. దీంతో శ్రీవారి భక్తులు ఆనందం వ్యక్తం చేస్తున్నారు.
|
|